လိင်ကိစ္စ အပေါ် အမျိုးသမီးတုို့၏ မှားယွင်းသော ယူဆချက်များ

အမျိုးသားတွေ အနေနဲ့ အမျိုးသမီး တွေရဲ့ ကိုယ်ခန္ဓာ အကြောင်းကို နားမလည်လို့ အိပ်ရာထဲမှာ အမှား လုပ်မိ တတ်တာတွေ ရှိပါတယ်။ ဒါပေမယ့် မျှတစွာ ပြောရမယ် ဆိုရင် အမှား ဆိုတာ ၂ဘက် လုံးမှာ ရှိနိုင် တာမျိုးပါ။

ဒါကြောင့် အမျိုးသမီး တွေရဲ့ အမှားတွေ လည်း အများအပြား ရှိတယ်လို့ လိင်မှုသဘာဝ ဆိုင်ရာ ကျွမ်း ကျင်သူတွေ ပြောကြပါတယ်။ အဲဒီလို အမှားတွေ ထဲက ဖြစ်လေ့
ဖြစ်ထ အများဆုံးလို့ ပညာရှင်တွေ သတ်မှတ်တဲ့ အချက်တချို့ကို ဖော်ပြပေး လိုက်ပါတယ်။

(၁) လိင်ကိစ္စနဲ့ ပတ်သက်တဲ့ စိတ်ခံစားမှုကို ဖော်ပြဖို့ ကြောက်ခြင်း

အမျိုးသမီး အမျာစုဟာ ဣနြေ္ဒ စောင့်ထိန်း နေထိုင်ဖို့ သင်ကြား မှုနဲ့ လူလားမြောက် လာကြတာ ဖြစ်ပါတယ်။ ဒါကြောင့် သူတို့ က လိင်ဆက်ဆံ စဉ်မှာ ခံစားမှုကို ဖော်ပြဖို့ အခက်တွေ့ကြ၊ ကြောက်လန့် ကြပါတယ်။ တကယ်တော့ ဒီကိစ္စတင် မဟုတ်ပါ ဘူး။ သူတို့အနေနဲ့ ဒေါသ လိုမျိုး တခြားစိတ် ခံစားမှုတွေကို ဖော်ပြဖို့ ခက်ခဲလေ့ ရှိကြ ပါတယ်။

Seattle Pacific တက္ကသိုလ်က စိတ်ပညာ ပါမောက္ခ Les Parrot ကတော့ ဒီလိုထိန်းချုပ် လွန်းခြင်းက အမျိုးသမီးတွေရဲ့ အကြီးဆုံး အမှားတွေထဲက တခုလို့ ပြောပါတယ်။

“(အဲဒါကြောင့်) အမျိုးသား အများစုက သူတို့ကပဲ ဒီကိစ္စကို အမြဲတမ်း အစပြုနေ ရသလို ခံစားရတဲ့ အတွက် ဆက်ဆံရေးမှာ မညီမျှ မှုတွေ ဖြစ်လာစေ ပါတယ်။” လို့ သူက ဆိုပါတယ်။

New York တက္ကသိုလ်က စိတ်ပညာရှင် တဦးဖြစ်တဲ့ ဒေါက်တာ Ruth Westheimer ကလည်း လိင်ကိစ္စနဲ့ ပတ်သက်လို့ အတွေး အခေါ်ဟောင်းတွေကို ဆုပ်ကိုင် ထားခြင်းက ဆက်ဆံရေးကို ထိခိုက်နိုင် တယ်လို့ ပြောပါတယ်။

“အမျိုးသမီးတွေက လိင် မှု ကိစ္စမှာ စိတ်မဝင်စားဖူးလို့ အမျိုးသားတွေက ထင်သွားလေ့ရှိပါတယ်။ ကျမထင်တာကတော့ အမျိုးသားတွေလိုပဲ လိင်မှုကိစ္စ ကို စိတ်ဝင်စားတဲ့ အမျိုးသမီးတွေလည်း ရှိပါတယ်။” လို့ သူကပြောသလို ၂ ဦး ၂ဘက် စိတ်ကျေနပ်မှု ရရှိစေ ဖို့ အမျိုးသမီးတွေမှာလည်း တာဝန် ရှိတယ်၊ တာဝန်ယူ သင့်တယ်လို့ အကြံပြုခဲ့ ပါတယ်။

(၂) လိင်ကိစ္စဟာ အမျိုးသားတွေ အတွက် သာမန် ကိစ္စ တခုလို့ ယူဆထားခြင်း

လိင်ကိစ္စဟာ အမျိုးသားတွေ အတွက်ပဲ ဆိုတဲ့ ခေတ်ဟောင်း အတွေးအခေါ်မျိုးကို ဖယ်ရှား ပစ်ရမယ်လို့ ဒေါက်တာ Ruth Westheimer ကယုံကြည်ထားပါတယ်။ “တချို့ အမျိုးသားတွေ အတွက်တော့ လိင်ကိစ္စက ဇနီးမောင်နှံတွေ စုံတွဲတွေရဲ့ ဆက်ဆံရေးမှာ သိပ်အရေးကြီးပါတယ်။ လျှော့မတွက် လိုက်ပါနဲ့ ” လို့ သူကပြောပါတယ်။

Rutgers တက္ကသိုလ်က မနုဿဗေဒ ပညာရှင် ဒေါက်တာ Helen Fisher နဲ့ သူ့ရဲ့ ကျောင်းသား ကျောင်းသူတွေ လေ့လာ ခဲ့ကြတဲ့ သုတေသန တခုအရ အမျိုးသားတွေကလည်း လိင်ကိစ္စနဲ့ ဆက်ဆံရေး ကို အမျိုးသမီးတွေလိုပဲ အလေး ထားတယ် ဆိုတာ တွေ့ခဲ့ ရပါတယ်။

“အမျိုးသားတယောက်က စိတ်ကူးမယဉ်တတ်ဘူး။ မခံစားတတ်ဘူးလို့ ဘယ်တော့မှ မယူဆလိုက် ပါနဲ့။ အကြီးဆုံး အမှား ၂ ခုကတော့ အမျိုးသမီးတွေက လိင်ကိစ္စနဲ့ မဆိုင်ဘူးလို့ ယူဆခြင်း နဲ့ အမျိုးသားတွေက အမျိုး သမီး တွေလို အလေးအနက် မထား တတ်ဘူးလို့ သဘောထားခြင်းတွေပါပဲ။” လို့ သူက ပြောပါတယ်။

(၃) အမျိုးသားတွေက လိင်ကိစ္စ အတွက် အမြဲ အသင့်ဖြစ်နေတယ်လို့ ယူဆခြင်း

ဆယ်ကျော်သက် လူငယ်လေး တယောက်ဆိုရင်တော့ အဲဒီလို ဟုတ်ချင် ဟုတ်ပါလိမ့်မယ်။ ဒါပေမယ့် အရွယ်ရောက် ပြီးတဲ့ အမျိုးသား တယောက် အနေနဲ့တော့ မိသား စု ကိစ္စ၊ အလုပ်အကိုင် နဲ့ ငွေရေးကြေးရေး စတဲ့ နေ့စဉ် ဘ၀ ဖိအားတွေ ရှိ နေ ပြီး လိင်စိတ်ဆန္ဒကို ထိခိုက် လျော့ပါးစေပါတယ်။ အဲဒါကို ထည့် မစဉ်းစား မိတဲ့ အခါ ကိုယ့်ရဲ့ အမျိုးသားက ကိုယ့်ကို စိတ်ကုန်နေ ပြီလို့ ထင်မှားမှုတွေ ဖြစ်စေ ပါတယ်။

“သူတို့ (အမျိုးသမီးများ) အတွက် အံ့သြစရာ ဖြစ်လာတယ်။ မယုံနိုင်ကြဘူး။” လို့ ဒေါက်တာ Helen Fisher က ခင်ပွန်း သည်က စိတ်ကုန်ပြီလို့ ခံစားရတဲ့ အမျိုးသမီးတွေ နဲ့ ပတ်သက်လို့ ပြောပြပါတယ်။ “သူတို့ကိုယ်သူတို့တော့ လိင်ကိစ္စနဲ့ ပတ်သက်လို့ အမြဲတမ်း စိတ်မပါဘူးဆိုတာ သိထားကြပါတယ်။

ဒါပေမယ့် အမျိုးသားတွေက လိင်ဆက်ဆံဖို့ ဘာကြောင့် စိတ် မပါသလဲ ဆိုတာကို မဖော်ထုတ်နိုင်ကြတဲ့ အခါမှာတော့ ငါ့ကို မချစ်တော့ဘူးလို့ ထင်ကုန်ကြတယ်။” လို့ သူက ဆိုပါတယ်။

(၄) လိုအပ်ချက်ကို ပွင့်ပွင့်လင်းလင်း ထုတ်ဖော် မပြောဆိုခြင်း

“ပြည့်စုံတဲ့ လိင်မှုဘဝတခုကို ရဖို့ အမျိုးသမီးတွေ မှာလည်း တာဝန်ရှိပါတယ်။ တကယ်လို့ အမျိုးသမီး တယောက်က သူခံစား တွေ့ကြုံရတာနဲ့ ပတ်သက်လို့ သူ့ဖာသာ
ပြန်ပြီး ဂရု မစိုက်ရင် အမျိုးသား ကလည်း သူ့ကို အထွဋ်အထိပ် ခံစားမှုရအောင် လုပ်ပေးနိုင်မှာ မဟုတ်ပါဘူး။

အရမ်းကို ရင်းနှီးကျွမ်းဝင်မှု ရှိတဲ့ စုံတွဲတွေ ဖြစ်မယ်ဆိုရင်တောင် အမျိုးသမီး ဘက်က သူ့လို အပ်ချက်ကို ထုတ်မပြရင် အပြည့်အစုံ သိနိုင်မှာ မဟုတ်ပါဘူး။” လို့ ဒေါက်တာ Ruth Westheimer ကပြောပါတယ်။

ဒေါက်တာ Helen Fisher ကတော့ အမျိုးသားတွေက သူတို့ရဲ့ အမျိုးသမီးကို နှစ်သိမ့်ကျေနပ်မှု အလွန်ပေးချင်ကြတဲ့ အတွက် ဖွင့်ပြောဖို့ စိုးရိမ်စရာလိုဘူး လို့ ဆိုပါတယ်။ “ သူတို့ရဲ့ အတ္တကို မထိခိုက်စေတဲ့ နည်းနဲ့ နားလည်အောင် ပြောရင် သူတို့ ကျေကျေ နပ်နပ် နားထောင် ပါတယ်။” လို့ သူကပြောပါတယ်။

(၅) လိင်ကိစ္စကို အသုံးချ၍ ထိန်းချုပ်ရန် ကြိုးစားခြင်း

လိင်ဆက်ဆံခွင့်ကို လက်နက်လို အသုံးချ တာကလည်း မလုပ်သင့်တဲ့ ကိစ္စတခု ဖြစ်ပါတယ်။ အခြေခံ အားဖြင့်တော့ အမျိုး သမီးတွေက ကိုယ့်ကိုယ့်ကို အားနွဲ့သူတွေလို့ ခံစားရတဲ့ အတွက် လိင်ကိစ္စကို ညင်းပယ်ခြင်းအားဖြင့် လိုချင်တာ ရယူဖို့ ကြိုး စား တတ်ကြ ပါတယ်။

အမျိုးသားတွေက သူတို့ အလိုဆန္ဒပြည့်ဖို့ အတွက် ကိုယ်လိုချင်တာကိုလည်း လိုက်လျော ခွင့်ပြုပေး မယ်လို့ ထင်တတ်ကြပါတယ်။ ဒီနည်းက တခါတရံ အသုံးဝင်ကောင်း ၀င်နိုင်ပေမယ့် ရေရှည် အသုံးပြုသင့်တဲ့ နည်းလမ်း ကောင်း တခုတော့ မဟုတ်ပါဘူး။

အမျိုးသားရဲ့ သာယာမှုကို ညင်းပယ်တဲ့ နည်းနဲ့ သြဇာ လွှမ်းမိုးမှု ယူမယ့် အစား ဖြစ်ချင်တာ၊ ဖြစ်သင့်တာကို တိုက်ရိုက် ပြောဆို ဆွေးနွေးပြီး ရယူတဲ့ နည်းလမ်းမျိုးကို ကြိုးစားကြည့် သင့်ပါတယ်။

(၆) စကားများ ရန်ဖြစ်ပြီးတဲ့ အချိန်မှာ လိင်ကိစ္စကို ခွင့်မပြုခြင်း

ရန်ဖြစ်ပြီးတော့မှ အိပ်ရာထဲမှာ ပြန်အဆင်ပြေ သွားတဲ့ စုံတွဲတွေ အတော် များများ ရှိပါတယ်။ ဒါပေမယ့် အမျိုးသမီးအများ စု ကတော့ ခွင့်ပြုလေ့ မရှိကြတာ များပါတယ်။ ဘာကြောင့်လဲ ဆိုတော့ လိင်ဆက်ဆံမှု မပြုခင်မှာ ချစ်ချစ် ခင်ခင် ဆက်ဆံမှု၊ ထိတွေ့မှုတွေ လိုအပ် တယ်လို့ အမျိုးသမီး တွေက ထင်ကြလို့ ဖြစ်ပါတယ်။

အဲဒါက မှန်သင့်သလောက်တော့မှန် ပါ တယ်။ ဒါပေမယ့် စိတ်ပညာရှင်တွေ၊ လိင်မှုဆိုင်ရာ ကုထုံးပညာရှင်တွေရဲ့ လေ့လာမှုအရ အိပ်ရာထဲမှာ ဖြေရှင်းတာက အမြန်ဆုံး ပြန်ပြီး ပြေလည်စေတယ်လို့ တွေ့ရှိရပါတယ်။

တကယ်လို့ အစပိုင်းမှာ စိတ်ထဲက မကျေလည်မှုတွေကြောင့် လိင်ကိစ္စကို စိတ်မပါဘူးဆိုရင်တောင် ကိုယ်ခန္ဓာချင်း အနီး ကပ် ဆက်သွယ် ပတ်သက်မှုက နေ တဆင့် တယောက်နဲ့ တယောက် ခံစားချက်တွေ ပြန်လည် နီးကပ်ပြီး ပြေငြိမ်းမှုကို ရစေနိုင်ပါတယ်။

ပွင့်ပွင့်လင်းလင်း ဝေဖန်ဆွေးနွေးတာ၊ ကျေလည်အောင်ညှိနှိုင်း အဖြေရှာတာတွေကလည်း အငြင်းပွား မှုကို ဖြေရှင်းနိုင်တဲ့ နည်းလမ်းကောင်းတွေပါပဲ။

ဒါပေမယ့် တင်းမာနေတဲ့ စိတ်တွေကို ထိထိရောက်ရောက် ပြေလျော့ စေပြီး နားလည်မှု အမြန်ဆုံး ပြန်ရဖို့ကတော့ ဒီနည်းနဲ့ ကြိုးစားကြည့်သင့်ပါတယ်။

Source: webmd.com

ဧရာဝတီ by : အေးမင်း

Originally published at - http://burma.irrawaddy.com/lifestyle/2016/09/10/122773.html