ကျန်းမာရေးနှင့် ပတ်သက်သော ဗဟုသုတ၊ လိင်မှုကိစ္စ၊ ရောဂါများအကြောင်း၊ လေ့လာတွေ့ရှိချက်များ၊အစားအသောက်နှင့် လူနေမှုဘဝများ

ဤဘလောဂ့်ဆိုဒ်သည် ဆိုင်မွန်စာကြည့်ဆိုဒ်၏ ပရိတ်သတ်များ တက်ရောက် ဖတ်ရှုခြင်း လွယ်ကူမြန်ဆန် စေရန် ရည်ရွယ်၍ ထပ်မံတိုးထားသော ဆိုဒ်ပွား တစ်ခုသာ ဖြစ်ပါသည်။

Sunday, June 18, 2017

လေ့ကျင့်ခန်းလွတ် အစားအစာနဲ့ စားသောက် နည်းများ




ကျနော်တို့ ခန္ဓာကိုယ်ဟာ ရေဓာတ် အပါ အဝင် အစား အစာ ကနေ ရရှိတဲ့ အာဟာရ ဓာတ်တွေနဲ့ တနေ့တာကို အ ကောင်းဆုံး ဖြတ်သန်းပြီး ရှင်သန်နေ ကြတာပါ။ အဲဒီမှာ အစာ ကနေ ရရှိတဲ့ အာဟာရ ကိုတော့ ကယ်လိုရီနဲ့ တိုင်းတာ ပါတယ်။

တနေ့တာ လိုအပ်တဲ့ ကယ်လိုရီထက် ပိုပြီး များများ စားမိ၊ စုမိ လာရင်တော့ မကြာခင်မှာ သင်ဟာ ၀ လာ ပါလိမ့်မယ်။ ဒီလို မ ဝအောင် ကယ်လိုရီ အပို မရှိဖို့ လိုအပ် ပါတယ်။

အကောင်းဆုံး ကတော့ လေ့ကျင့်ခန်း လုပ်ပေး ဖို့ပါပဲ။ ဒါပေမယ့် လေ့ကျင့်ခန်း လုပ်ဖို့ အချိန်နည်း သူတွေ၊ ပျင်းသူတွေ အတွက် အစာထဲမှာ ကယ်လိုရီကို လောင်ကျွမ်း စေမယ့် အစာတွေ ရောနှော စားပေးမယ် ဆိုရင် လေ့ကျင့်ခန်းချိန် သက်သာစေ ပါလိမ့် မယ်။ ဘယ်လို အစာတွေ ရောစားပေး သင့်ပါသလဲ။

(၁) အခါးရွက်တွေကို အစိမ်းလိုက် ရောစားပါ

အစိမ်းလိုက်စားရင်တော့ အကောင်းဆုံးပါပဲ။ ဒါပေမယ့် အစိမ်းလိုက် စားဖို့ အဆင်မပြေရင် အစိမ်းရောင် မပျောက်အောင် ကြော်၊ ပြုတ်၊ စားလို့ ရပါတယ်။ ခါးသက်တဲ့ အရွက်တွေကို စားပေးနိုင်ပါတယ်။ ကြက်ဟင်းခါးရွက်၊ ဂွေးတောက်ရွက်တွေ အစ ကိုက်လန်လို အနည်းငယ်ပဲ သက်ချင်တဲ့ အရွက်တွေကိုပါ စားပေးနိုင်ပါတယ်။

(၂) ချိစ်ကို အစိမ်းစားပါ

အစိမ်းလို့သာ ဆိုရတာ တကယ်တော့ ချိစ်ဟာ ဒီအတိုင်း စားလို့ ရတဲ့ အစာ တခုပါ။ ဆိုလိုတာကတော့ အပူပေး၊ ပေါင်းခံ၊ ချက် ပြုတ် စားခြင်းမျိုး မဟုတ်ဘဲ ချိစ်ကို အထုပ်လိုက် ဝယ်ပြီးသား အတိုင်း စားသုံးပေးခြင်းကို ဆိုလိုတာပါ။

(၃) အုန်းဆီ စားပေးပါ

ပြည်တွင်းမှာတော့ အရင်က စားအုန်းဆီတွေ မဝင်ခင်က ဖြည့်စွက်ဆီအဖြစ် အသုံးပြုသူ တချို့ ရှိပါတယ်။ အခုတော့ စား သုံးပုံစံအဖြစ် မစားကြတော့ပါ့ဘူး။ ဒါပေမယ့် အုန်းဆီဟာ အစာချေစနစ်မှာ ခန္ဓာကိုယ်တွင်းကို အဆီအနေနဲ့ မဝင်ဘဲ စွန့် ထုတ်စနစ်ဆီကို အမြန်ရောက်သွားတတ်လို့ အဆီပို မဖြစ်စေဘဲ ဆီစား မယ်ဆိုရင် အုန်းဆီကို စားပေး နိုင်တယ်လို့ လေ့လာ ချက်တွေ အရ သိလာရတာ ဖြစ်ပါတယ်။

(၄) အချဉ်ဖတ် စားပေးပါ

အကောင်းဆုံးကတော့ ဂေါ်ဖီချဉ်ပါ၊ ဒါမှမဟုတ် ပြည်တွင်းမှာ အချဉ်မျိုးစုံ ပြုလုပ်စားသုံးသလို မုန်လာဥ၊ အရွက်၊ အစုံကို အချဉ် လုပ်ပြီး စားပေးနိုင်ပါတယ်။ အစာအိမ်တွင်း ချေဖျက် စနစ်ကို ပိုမို ကောင်းမွန်စေပြီး ကယ်လိုရီ အပို ဖြစ်စေမှု နည်း စေတယ်လို့ သိရပါတယ်။

(၅) ပန်သီးနဲ့ ထုတ် ရှာလကာရည် သောက်သုံး ပေးပါ

ပျားရည်နဲ့ ရောစပ်ပြီး သောက်သုံး နိုင်ပါတယ်။ မနက် အိပ်ယာထ၊ ညအိပ်ရာဝင် အချိန်တွေမှာ တရက် တကြိမ် စားပွဲတင် တဇွန်းစာပဲ ပုံမှန် သောက်သုံး ပေးရင် ရပါတယ်။ အလေးချိန် ကျစေဖို့ အကောင်းဆုံး အကူညီပေး အစာလို့ သတ်မှတ် ထား တာပါ။

(၆) ကာဖင်းဓာတ်ရယူပါ

ကော်ဖီသောက်ခြင်း တမျိုးတည်း မဟုတ်ဘဲ ကာဖင်းဓာတ် ပါရှိတဲ့ အစာတွေကို ပုံမှန် သင့်ရုံ စားသောက်ပေးရင် ရပါတယ်။ သူက ကယ်လိုရီ အပိုကို လောင်ကျွမ်း စေမှုထက် ကယ်လိုရီ အပို ဖြစ် မလာအောင် ထိန်းပေးနိုင်မှု အားကောင်းတာ တွေ့ရ ပါတယ်။

(၇) ကင်ချီ စားပေးပါ

သူ့မှာ အစပ်၊ အချဉ်နဲ့ အရွက်ရဲ့ဓာတ် သဘောတွေ ကောင်းကောင်း ပါရှိလို့ စားသုံး ပေးဖို့ အဆင်ပြေပါတယ်။ အစာချေ စနစ်ကို အားကောင်း စေပါတယ်။ သင့်ရုံ ပုံမှန် စားသုံးပေး သင့်တယ်လို့ သိရ ပါတယ်။

(၈) ဒိန်ချဉ် သီးသန့် သောက်ပါ

ပြည်တွင်းမှာတော့ ဒိန်ချဉ်ကို ထန်းလျက်ရည် ဒါမှမဟုတ် သကြားရည်နဲ့ ရောသောက် ပါတယ်။ တချို့လည်း အသီးအနှံနဲ့ ရောစပ် သောက်ပါတယ်။ အကောင်းဆုံး ကတော့ ဒိန်ချဉ်ကို ဒီအတိုင်း သောက်ပေးပါ။ အစာချေ စနစ် အတွက် အကျိုးပြု ဘက်တီးရီးယား ပါဝင်မှု အထူး များပြား ကောင်းမွန်စွာ ပါရှိလို့ပဲ ဖြစ်ပါတယ်။

(၉) ငရုတ်သီး စားပေးပါ

အမှုန့်အနေအထားမှာ ရောစပ် ဓာတုပစ္စည်း ပါရှိနိုင် တာကြောင့် ငရုတ်သီး အတောင့်ကို ပုံမှန် သင့်ရုံ စားပေးတာ အကောင်း ဆုံးပါ။ သွေးတွင်း သကြားဓာတ် အပါ အဝင် အဆီကိုပါ ချေဖျက် ပေးနိုင်ပြီး ကယ်လိုရီ အပိုကို လောင်ကျွမ်း စေနိုင် ပါတယ်။

Ref: www.rd.com

ဓါတ်ပုံ ဒီဇိုင်း-ကျော်မျိုးထိုက်/ ဧရာဝတီ

From : ဧရာဝတီ by ချစ်ဖေ (တောင်တွင်းမြေ) 18 June 2017

Originally published at - =source=

No comments:

Post a Comment