ကျန်းမာရေးနှင့် ပတ်သက်သော ဗဟုသုတ၊ လိင်မှုကိစ္စ၊ ရောဂါများအကြောင်း၊ လေ့လာတွေ့ရှိချက်များ၊အစားအသောက်နှင့် လူနေမှုဘဝများ

ဤဘလောဂ့်ဆိုဒ်သည် ဆိုင်မွန်စာကြည့်ဆိုဒ်၏ ပရိတ်သတ်များ တက်ရောက် ဖတ်ရှုခြင်း လွယ်ကူမြန်ဆန် စေရန် ရည်ရွယ်၍ ထပ်မံတိုးထားသော ဆိုဒ်ပွား တစ်ခုသာ ဖြစ်ပါသည်။

Wednesday, April 13, 2016

ဆေးလိပ် စွဲလမ်းသူများ၏ ခန္ဓာကိုယ် အတွင်းရှိ နီကိုတင်းဓာတ် ပျက်ပြယ်စေနိုင်သော ထိပ်တန်း အစားအစာ (၁၀) မျိုး




ကမ္ဘာ တစ်ဝန်းတွင် စီးကရက်ကို စွဲမြဲစွာ သောက်သုံးလေ့ ရှိသူ များနှင့် ဆေးလိပ် စွဲလမ်း နှစ်ခြိုက်လေ့ ရှိသူများတွင် နီကိုတင်း ကဲ့သို့သော ဓာတုဗေဒ ပစ္စ္စည်းများ ပါဝင်လေ့ ရှိသည့် အတွက် ဖြတ်ဖို့ရန် ခက်ခဲလေ့ ရှိကြသည်ဟု ဆိုသည်။

လွန်ခဲ့သော နှစ်ပေါင်းများစွာကတည်းက လူသားတို့တွင် အထူးသဖြင့် အမျိုးသား များတွင် နီကိုတင်း ပါသည့် စီးကရက်ကိုနှစ်ခြိုက်စွာ သောက်သုံးလေ့ရှိခဲ့ကြပြီး ယနေ့ထိ တိုင်အောင်ပင် သောက်သုံးနေဆဲဖြစ်သည်ကို တွေ့မြင်ကြရ သည်။

အဆိုပါ နီကိုတင်းဓာတ်သည် ခန္ဓာကိုယ်အတွင်းရှိ ပုံမှန်လုပ်ဆောင်နေလျက်ရှိသော သွေးကြောများကို ပိုမိုနိုးကြားတက်ြ<ွကလာစေရန်အတွက် လှုံ့ဆော်ပေးရုံသာမက အာရုံကြောများပိတ်စေနိုင်ခြင်းနှင့်ြ<ွကက်သားများကျုံ့စေ နိုင်စွမ်းရှိကြောင်းကိုလည်း ခံစားရလေ့ရှိကြသည်ဟု သိရသည်။ နီကိုတင်းဓာတ်ကို ဆေးရွက်ကြီးအပင်မှ ထုတ်လုပ်ရရှိကာ စွဲမြဲစွာ သုံးစွဲလေ့ရှိသူများတွင် နှလုံးခုန်မြန်စေခြင်း၊ သွေးတိုးနှုန်းမြန်ဆန်စေ ခြင်းနှင့် လေသင်တုန်း ဖြတ်စေနိုင်သော ရောဂါများကိုပါ ဖြစ်စေနိုင် သည့် အစွမ်းသတ္တိတို့ပါဝင်ကြောင်း သိရသည်။ လွန်ခဲ့သော ၁ဝ စုနှစ် များကတည်းက ကမ္ဘာတစ်ဝန်းတွင်ဆေးလိပ်သောက်သုံးခြင်းကို တားမြစ် ပိတ်ပင်ခြင်း၊ ကျန်းမာရေးသတိပေးချက်များပြုလုပ်ပေးခြင်းနှင့် ဆေးသိပံ္ပ ပညာရှင်များဘက်မှ နီကိုတင်းဓာတ်ကြောင့် လူသားတို့၏ ကျန်းမာရေး ကို မည်ကဲ့သို့ကျဆင်းလေ့ရှိသည့် သတိပေးချက်များကို ထုတ်ပြန်ထားခဲ့ သော်လည်း လူတို့အနေဖြင့် အဆိုပါ နီိကိုတင်းပါသည့် စီးကရက်၊ ဆေးရွက် ကြီးနှင့် ဆေးလိပ်များကို ယနေ့တိုင်အောင် နှစ်ခြိုက်စွာ သောက်သုံးလျက် ပင်ရှိနေသည်ကို တွေ့မြင်ကြရမည်ပင်ဖြစ်သည်။ ဆေးရွက်ကြီးကို ဝါးစားခြင်း(သို့မဟုတ်) ကြာရှည်စွာငုံထားခြင်းများ ကို ပြုလုပ်လေ့ရှိသူများတွင် ဆေးလိပ်သောက်သုံးလေ့ရှိသူများထက် ခန္ဓ္ဓာကိုယ်အတွင်းသို့ စိမ့်ဝင်မှု နည်းပါးသော်လည်း သွေးကြောများ အတွင်း သို့ နီကိုတင်းဓာတုပစ္စည်းဓာတ်များက ပျော်ဝင်မြဲပင်ဖြစ်သည်ဟုဆိုသည်။ အကယ်၍ စီးကရက်ကို စွဲမြဲစွာသောက်သုံးလေ့ရှိသူများအတွက် ခန္ဓ္ဓာ ကိုယ်တွင်းသို့ နီကိုတင်းဓာတ်စိမ့်ဝင်ပျံ့နှံ့မှုများကို ပယ်ဖျက်စေလိုပါက အောက်ပါအစားအစာ ထိပ်တန်း စာရင်းဝင် ၁ဝ မျိုးတို့ကို ပုံမှန်စားသုံး ပေးခြင်းဖြင့် ကိုယ်တွင်းတွင် ကိန်းအောင်းနေသော နီကိုတင်းကို ချေဖျက် ပေးသွားနိုင်လိမ့်မည်ဟု ဆေးသိပ္ပံပညာရှင်များဘက်မှ အကြံပြု ထား ကြောင်း သိရသည်။ (၁) ဘရိုကိုလီ
ဘရိုကိုလီတွင် ဗီတာမင်ဘီဖိုက်နှင့် စီတို့ပါဝင်သည့်အတွက် ခန္ဓာ ကိုယ်တွင်းရှိ ကိန်းအောင်းနေသော နီကိုတင်းဓာတ်ကို ချေဖျက်ပေးနိုင် ကြောင်း သိရှိရသည်။ ဗီတာမင်ဘီသည် ခန္ဓာကိုယ်တွင်းရှိ လုပ်ငန်း ဆောင်တာတို့တွင် များစွာအရေးပါလျက်ရှိကာ ယင်းဗီတာမင်ချို့ယွင်းပါက လူကို လန်းဆန်းစေမှု ပျက်ပျယ်လေ့ရှိသည့်အတွက် ဘရိုကိုလီကို ပုံမှန် ချက်ပြုတ်စားသုံးပေးရန်လိုအပ်ကြောင်း အကြံပြုထားသည်။

ဘရိုကိုလီ မှ ဗီတာမင်စီဓာတ်ကိုပါ ဖြည့်တင်းပေးနိုင်သည့်အတွက် ခန္ဓ္ဓာကိုယ်တွင်းရှိ ဇီဝကမ္မဖြစ်စဉ်ကို ထိန်းညှိပေးနိုင်ပြီး အဆုတ်ထိခိုက်မှုကိုလည်း ကာကွယ် ပေးနိုင်သည်ဟု သိရသည်။ ဘရိုကိုလီတွင် NRF2 ဗီဇရင်းမြစ် ပါဝင်သည့်အတွက် အဆုတ်တွင်းရှိ သွေးကြောအမျှင်များနှင့် ဆဲလ်များ စွာကို နီကိုတင်းတိုက်ခိုက်မှုမှ ခုခံကာကွယ်နိုင်စွမ်း ရှိကြောင်း
ဖော်ပြထား သည်။

(၂) လိမ္မေ္မ်ာသီး
နီကိုတင်းသည် ခန္ဓာကိုယ်တွင်းကို ထိခိုက်စေနိုင်သော ဗီတာမင်စီ ဓာတ်များလျော့ကျစေနိုင်သည့် အစွမ်းရှိခြင်းကြောင့် လိမ္မော်သီးကဲ့သို့ အချဉ် ဓာတ်ပါသောအသီးများကို ပုံမှန်စားသုံးပေးခြင်းအားဖြင့် ကိုယ်ခံစွမ်းအားကို ဖြည့်တင်းပေးနိုင်ပြီး ခံနိုင်ရည်မြှင့်တင်ပေးနိုင်သည်။ စီးကရက်ကို နှစ်ခြိုက် စွာသောက်သုံးလေ့ရှိသူများတွင် စိတ်ဖိစီးမှုများဖြစ်ပေါ်ခြင်းနှင့် စိတ်တို တတ်သည့်ရောဂါများ ဖြစ်ပေါ်ခံစားရလေ့ရှိသည့်အတွက် ဗီတာမင်စီပြည့်ဝ စွာပါဝင်သော လိမ္မော်သီးကို စားသုံးပေးခြင်းအားဖြင့် ခန္ဓာကိုယ်ပြန်လည် လန်းဆန်းမှု ဖြစ်ပေါ်စေနိုင်သည်ဟု ဆိုထားသည်။

(၃) ဟင်းနုနယ်
ဟင်းနုနယ်တွင် ဗီတာမင်ကေနှင့် ဗီတာမင်အေ အပါအဝင် အမျှင်ဓာတ် ရှိပြီး ဖောလစ်အက်စစ် (သို့) ဗီတာမင် ဘီနိုင်းတို့လည်း ပါဝင်သည့်အတွက် နီကိုတင်းကဲ့သို့သော အဆိပ်အတောက်များကို ဖယ်ရှားပစ်နိုင်ကြောင်း သိရ သည်။ နီကိုတင်းကြောင့် အိပ်ချိန်ပုံမှန်မရှိဘဲ ကျန်းမာရေးထိခိုက်မှုကို ဖြစ်ပေါ်လေ့ရှိသည်။ ဖောလစ်အက်စစ်ဓာတ်သည် နီကိုတင်းဓာတ် တိုက်ဖျက် ရေးတွင် အသုံးဝင်လေ့ရှိပြီး ရောဂါလက္ခဏာရပ်များကို လျော့ကျသွားစေရုံ သာမကဘဲ စိတ်ပိုင်းဆိုင်ရာနှင့် စိတ်လှုပ်ရှားခံစားမှုတို့ကို ကောင်းစွာ ထိန်းညှိပေးနိုင်သည့် အစွမ်းသတ္တိရှိသည်ဟု အကြံပြုထားသည်။

(၄) ချင်း
ချင်းသည် ဆေးလိပ်သောက်ခြင်းနှင့် နီကိုတင်းကြောင့် ဖြစ်ပေါ်တတ် သော ရောဂါလက္ခဏာရပ်များကို တိုက်ဖျက်ပေးနိုင်သည့် အစွမ်းရှိကြောင်း သိရသည်။ ချင်းအစိမ်းကို ငုံပေးခြင်းအားဖြင့်လည်း နီကိုတင်းဓာတ် ရချင်သည့်ဆန္ဒကို ထိန်းချုပ်ပေးနိုင်ခြင်းသာမက ဝဖြိုးသော ခန္ဓာကိုယ်ကို လည်း လျော့ကျစေနိုင်သည်ဟု ဆိုထားသည်။ ထို့အပြင် နီကိုတင်းကြောင့် သွေးကြောများအတွင်းရှိ အဆိပ်အတောက်တို့ကို လျှော့ချပေးနိုင်သည့် အစွမ်း သတ္တိတို့နှင့်ပြည့်ဝကြောင်းကိုလည်း အကြံပြုပေးထားသည်ကို တွေ့ရသည်။

(၆) လီမွန်
ဆေးလိပ်သောက်သုံးခြင်းကြောင့် အရေပြားရှိဆဲလ်များနှင့် ချွေးပေါက် များ ပျက်စီးခြင်းနှင့်အတူ ကိုယ်ခန္ဓာစွမ်းအားကို ခံနိုင်ရည်မြှင့်တင်ရန် လီမွန်အသီးတွင် နီကိုတင်းကို တိုက်ဖျက်နိုင်သည့်အစွမ်းရှိကြောင်း သိရ သည့်အတွက် လူတို့ကို အထောက်အပံ့ဖြစ်စေနိုင်သည်ဟု အကြံပြုထား သည်ကိုတွေ့ရှိရသည်။ လီမွန်တွင်ပါဝင်သော ဗီတာမင်စီနှင့် အချဉ်ဓာတ် တို့မှတစ်ဆင့် နီကိုတင်းကြောင့်ဖြစ်ပွားသော ရောဂါလက္ခဏာများကို လျင်မြန် စွာတိုက်ခိုက်နိုင်ပြီး လူ့အရေပြားများကို ပြန်လည်အစားထိုးပေးနိုင်မည် ဖြစ်ကာ ကျန်းမာစေနိုင်သည့် အစွမ်းရှိကြောင်း သိရသည်။

(၇) ခါကြက်ဥ
နေ့စဉ်နှင့်အမျှ ဆေးလိပ်ပုံမှန်သောက်သုံးသူများတွင် ဗီတာမင်အေ နှင့် စီတို့ ပျက်စီးစေလေ့ရှိကာ အာရုံကြောဆဲလ်များပျက်စီးခြင်း၊ သွေး လည်ပတ်မှုနှုန်းပျက်စီးခြင်းနှင့် ဦးနှောက်၏ လုပ်ငန်းဆောင်တာများ ပျက်စီးစေနိုင်ခြင်းတို့ကို ခံစားရလေ့ရှိကြသည်။

ခါကြက်ဥကို ပုံမှန်စားသုံး ပေးခြင်းအားဖြင့် ပျက်စီးဆုံးရှုံးသွားသော ဗီတာမင်အေ ၊ စီ နှင့် ကေတို့ကို ပြန်လည်ဖြည့်စွမ်းပေးနိုင်မည်ဖြစ်ကာ ဆေးလိပ်သောက်သုံးသည့် ခန္ဓာ ကိုယ်ကို သဘာဝအလျောက် ခုခံနိုင်မည်ဖြစ်ပြီး အင်အားပြည့်စေနိုင် မည်ဖြစ်ကြောင်း အကြံပြုထားသည်။

(၈) အနီရောင်တလည်းသီး
ဆေးလိပ်သောက်သုံးသည့်ဒဏ်ကြောင့် နှလုံးခုန်မြန်ဆန်ခြင်း၊ သွေးတိုးခြင်း၊ သွေးကြောထဲသို့ ရောက်ရှိရမည့် အောက်ဆီဂျင်ပမာဏ လျော့ကျစေခြင်းတို့ ဖြစ်ပေါ်သည့် လက္ခဏာရပ်များကို တလည်းသီး အနီရောင် ဖြည့်စွက်စားသုံးပေးခြင်းအားဖြင့် ပြန်လည်ကောင်းမွန်စေ နိုင်ကြောင်း အကြံပြုထားသည်။ ယင်းတလည်းသီးကို စားသုံးပေးခြင်း အားဖြင့် အနီရောင်သွေးဆဲလ်များကို ပိုမိုထုတ်လုပ်နိုင်မည်ဖြစ်ကာ သွေးလည်ပတ်မှုအားကိုလည်း ပိုမိုကောင်းမွန်စေရန် ထောက်ပံ့ပေးနိုင် သည်ဟုလည်း သိရသည်။

ဘာသာပြန်-ကေသွယ်

Originally published at - https://www.facebook.com/MYANMAALINNNEWS


No comments:

Post a Comment