ဟုိုမုန်းများနှင့် လိင်စိတ် အကြွဆုံးသော အချိန်များ

အမျိုးသမီး တွေဟာ ညအိပ်ရာ မ၀င်ခင် အချိန်မှာ လိင်စိတ် ဆန္ဒ အနိုးကြားဆုံး ဖြစ်တယ်လို့ စစ်တမ်း တခုက ဆိုပါတယ်။ အမျိုးသားတွေ ကျတော့ မနက် အစောပိုင်း အိပ်ရာက နိုးလာတဲ့ အချိန် ဖြစ်တယ်လို့ သိရ ပါတယ်။ ဒီလိုမျိုး အမျိုးသား က လည်း အမျိုးသား အလျောက် အမျိုးသမီး ကလည်း အမျိုးသမီး အလျောက် စိတ်ဆန္ဒနိုးကြား တတ်တဲ့ အချိန် ကာလ ကို လေ့လာသူ ပညာရှင်တွေက sex o’clock လို့ အမည် တတ်ခဲ့ ကြပါတယ်။

လိင်မှု ကိစ္စနဲ့ ဆိုင်တဲ့ ပစ္စည်း(sex toy) တွေ ထုတ်လုပ်တဲ့ Lovehoney အမည်ရှိ ကုမ္ပဏီက လူ ၂၃၀၀ ကိုလေ့လာ စစ်တမ်း ကောက်ယူပြီး အမျိုးသားတွေနဲ့ အမျိုးသမီးတွေ ကြားမှာ လိင်စိတ် ဆန္ဒ နိုးကြားမှု အချိန် ဖော်ထုတ် ကြည့်ခဲ့ ပါတယ်။

သူတို့ရဲ့ လေ့လာ တွေ့ရှိချက် အရ အမျိုးသား ၇၈ ရာခိုင်နှုန်းနဲ့ အမျိုးသမီး ၆၉ ရာခိုင်နှုန်းတို့ဟာ တနေ့တာ အတွင်း လိင်စိတ် အမြင့်ဆုံး အချိန် ကွဲပြားချက်တွေ နဲ့ ကြုံတွေ့ နေရတယ်လို့ သိရ ပါတယ်။

အမျိုးသားတွေဟာ မနက်ခင်း အချိန်မှာ သူတို့ရဲ့ စွမ်းအင် အပြည့်ဝဆုံးလို့ ခံစားကြ ရပါတယ်။ အမျိုးသား ၂၈ ရာခိုင်နှုန်းက မနက် ၆ နာရီနဲ့ ၉ နာရီ အတွင်းမှာ လိင်စိတ် အမြင့်ဆုံး ဖြစ်နေ တတ်ကြ ပါတယ်။ ဒါပေမယ့် အဲဒီအချိန်မှာ လိင်စိတ် ဆန္ဒဖြစ် ပေါ်တဲ့ အမျိုးသမီးကတော့ ၁၁ ရာခိုင်နှုန်းပဲ ရှိပါတယ်။

အမျိုးသမီးတွေရဲ့ လိင်ကိစ္စနဲ့ ပတ်သက်သက်တဲ့ စိတ်ဆန္ဒဟာ တနေ့တာ အတွင်းမှာ တဖြည်းဖြည်းနဲ့ မြင့်တက် လာပြီး ည ၁၁ နာရီနဲ့ မနက် ၂ နာကြားမှာ အမြင့်ဆုံး
ဖြစ်လာ ပါတယ်။

စစ်တမ်းကို ဖြေဆိုပေးတဲ့ အမျိုးသမီး ၂၅ ရာခိုင်နှုန်းက အဲဒီ အချိန်မှာ လိင်ဆက်ဆံရင် ကျေနပ်နှစ်သိမ့်မှု အများဆုံး ရတယ်လို့ ရွေးချယ် ခဲ့ကြပြီး အိမ်ရာ မ၀င်ခင် လိင်ဆက်ဆံချင် တယ် ဆိုတဲ့ အမျိုးသား ကတော့ ၁၆ ရာခိုင်နှုန်းပဲ ရှိတယ်လို့ Lovehoney ရဲ့ စစ်တမ်းက ဆိုပါတယ်။

အမျိုးသားတွေက ဘာဖြစ်လို့ မနက် အိပ်ရာ ထချိန်မှာ လိင်စိတ် အမြင့်ဆုံး ဖြစ်နေပြီး အမျိုးသမီးတွေက ဒီလို မဖြစ်တာလဲ။ နောက်ပြီးတော့ အမျိုးသမီးတွေ စိတ်တက်ကြွ
နေတတ်တဲ့ ညနက်ပိုင်း အချိန်တွေမှာ အမျိုးသား တွေက ဘာကြောင့် အိပ် ဖို့ ပဲ စဉ်းစားနေ ကြတာလဲ။ ဒါတွေ အားလုံးက ဟိုမုန်းတွေကြောင့် ဖြစ်ပါတယ်။

မနက်လင်းလို့ အမျိုးသားတွေ မျက်လုံး မပွင့်ခင် ကတည်းက သူတို့ရဲ့ testosterone လို့ခေါ်တဲ့ ဟိုမုန်း (အမျိုးသမီးတွေ မှာလည်း ရှိပေမယ့် ကျားဟိုမုန်းလို့ သိကြတဲ့) လယ်ဗယ်က အမြင့်ဆုံးကို ရောက်နေ ပါပြီ။

ဘာကြောင့်လဲ ဆိုတော့ ဦးနှောက်ထဲမှာရှိတဲ့ pituitary gland ကြောင့်ဖြစ် ပါတယ်။ သူက အမျိုသားတွေရဲ့ လိင်ဟိုမုန်း ထုတ်လုပ်မှုကို ထိန်းချုပ်တဲ့ gland ဖြစ်ပြီးတော့ မနက် အရုဏ်တက်ချိန် အထိ ထုတ်လုပ်မှုက တဖြည်းဖြည်း မြင့်တက် သွားပါတယ်။

အမျိုးသမီးတွေမှာလည်း လိင်စိတ်ဆန္ဒကို အဓိက လှုံ့ဆော်ပေးတဲ့ ¬testosterone ဟိုမုန်း ထုတ်လုပ် ပါတယ်။ ဒါပေမယ့် ညဘက် ရောက်ရင် ထုတ်လုပ်မှုက တဖြည်းဖြည်း နည်းသွား ပါတယ်။

“testosterone လယ်ဗယ် အမြင့်ဆုံး ဖြစ်နေတဲ့ အတွက်ကြောင့် အမျိုးသား အများစုက တပတ်မှာ ၂ ရက် ၃ ရက်လောက် အိပ်ရာက နိုးလာတဲ့ အချိန်မှာ လိင်အင်္ဂါ တင်းမာနေ တတ်တာ ဖြစ်ပါတယ်။” လို့ လန်ဒန်မှာ ရှိတဲ့ St Bartholomew ဆေးရုံ က ဟိုမုန်း ပညာဆိုင်ရာ ပါမောက္ခ ဒေါက်တာ Ashley Grossman ပြောပါတယ်။

ညဘက်မှာ ကောင်းကောင်း အိပ်ပျော် ခဲ့မယ်ဆိုရင် အမျိုးသားတွေ အနေနဲ့ အလွန်ကို အင်အား ပြည့်သလို ခံစား နေရမှာ ဖြစ်ပါတယ်။ လေ့လာမှုတွေ အရ အမျိုးသားတွေ နှစ်နှစ် ချိုက်ချိုက်နဲ့ အချိန်ကြာကြာ အိပ်ပျော်လေ သူတို့ရဲ့ testosterone လယ်ဗယ်မြင့်လေလေ ဆိုတာတွေ့ရှိ ခဲ့ရပါတယ်။

မနက် ၇ နာရီ အချိန်က အမျိုးသားတွေ အတွက် ကတော့ လိင်စိတ်ကို လှုံ့ဆော်တဲ့ ဟိုမုန်းတွေ အမြင့်ဆုံး အချိန်ဖြစ် ပြီးတော့ အမျိုးသမီးတွေ အတွက် ကတော့ ဆန့်ကျင်ဘက် ဖြစ်ပြီး အနိမ့်ဆုံး ရောက်နေတဲ့ အချိန် ဖြစ်ပါတယ်။

မနက် ၈ နာရီကျော် သွား တဲ့ အချိန်မှာတော့ တနေ့တာ အတွက် လုပ်ငန်းခွင် ၀င်ဖို့ ပြင်ဆင်ချိန် ရောက်လာပြီ ဖြစ်လို့ ၀င်လာတဲ့ ဖိအား အမျိုးမျိုး ကြောင့် အမျိုးသားတွေရဲ့ လိင်စိတ်လဲ တဖြည်းဖြည်း လျော့ပါး သွားပါတယ်။ အမျိုးသမီးတွေလည်း ထိုနည်းတူ ပဲလို့ လေ့ လာမှုတွေ အရ သိရ ပါတယ်။

မနက် ၉ နာရီနောက်ပိုင်း တနေ့တာ အချိန်မှာတော့ အမျိုးသားတွေရဲ့ ဝှေးစေ့ အတွင်းမှာ testosterone ကို မှန်မှန်ထုတ် ပေးနေ ပါတယ်။ ဘာကြောင့်လဲ ဆိုတော့ ကြွက်သားတွေ ဖွံ့ဖြိုးဖို့နဲ့ သုတ်ရည် ထုတ်လုပ်နိုင် ဖို့လည်း ဒီဟိုမုန်းက လိုအပ်လို့ ဖြစ်ပါတယ်။

ညနေခင်း (၆နာရီ နောက်ပိုင်း) ရောက်ရင်တော့ အမျိုးသားတွေရဲ့ testosterone ထုတ်လုပ်မှုက စတင် ကျဆင်းလာပြီ ဖြစ် ပြီးတော့ အမျိုး သမီးတွေရဲ့ လိင်စိတ်ဆိုင်ရာ လှုံ့ဆော်မှု ဟိုမုန်းတွေက တဖြည်းဖြည်းချင်း မြင့်တက် လာပါတယ်။

ဒါပေမယ့် အလုပ်ဆင်းတဲ့ အချိန်မှာ ကိုယ်လက် လှုပ်ရှားလေ့ကျင့် ခန်း လုပ်တာက အမျိုးသား တွေရော အမျိုးသမီးတွေကိုပါ လိင်စိတ် ဆန္ဒနဲ့ စွမ်းဆောင် မှုကို မြင့် တက်စေ ပါတယ်။ လေ့လာမှုတွေ အရ အမျိုးသားတွေ အနေနဲ့ မိနစ် ၃၀ ကနေ ၄၀ အတွင်း လေ့ ကျင့်ခန်း တခုခု ယူမယ်ဆိုရင် testosterone သိသိ သာသာ မြင့်တက် လာတယ် ဆိုတာတွေ့ ရှိ ရပါတယ်။ အမျိုးသမီးတွေလဲ ထိုနည်းတူပါပဲ။

အိမ်ပြန်ရောက်ကြတဲ့ အချိန် ည၇ နာရီလောက် ကတော့ တနေကုန်ကြုံ ခဲ့ရတဲ့ စိတ်ဖိအားတွေကို ပြန်လည် လျှော့ချရတဲ့ အချိန် ဖြစ်ပါတယ်။ အဲဒီ အချိန်မှာ သီချင်း နားထောင် တာက လိင်စိတ်ဆိုင်ရာ ဟိုမုန်းတွေ အတွက် ကောင်းစေတယ်လို့ ဂျ ပန်နိုင်ငံ Nara တက္ကသိုလ်ရဲ့ လေ့လာမှု တခုက ဆိုပါတယ်။

အမျိုးသမီးတွေ အနေနဲ့ သီချင်းနားထောင်ခြင်းကြောင့် စိတ်ပင်ပန်း မှုတွေကို လျော့ကျစေ သလို လိင်စိတ် ဆန္ဒကိုလည်း မြှင့်တင်ပေးနိုင် တယ်လို့ သုတေသီတွေက ယုံကြည် ထားပါတယ်။

ညဘက်ဆိုရင် TV မှာ လာတတ်တဲ့ အားကစားပွဲတွေ ကလည်း အမျိုးသားတွေရဲ့ testosterone အပေါ် သက်ရောက်မှု ရှိပါတယ်။ အဓိက ကတော့ ပွဲရဲ့ ရလဒ်ပါ။

အမေရိကန်နိုင်ငံ Utah တက္ကသိုလ်က ပညာရှင်တွေက ကမ္ဘာ့ဖလား ဘောလုံး ပွဲတွေကို ကြည့်တဲ့ ၀ါသနာရှင် တွေကို လေ့လာကြည့်တဲ့ အခါ သူတို့ အားပေးတဲ့ အသင်း အနိုင်ရရင် အမျိုးသားတွေရဲ့ ဟိုမုန်း လယ်ဗယ်က ၂၀ ရာခိုင်နှုန်းလောက် တက်လာ တတ်တာကို တွေ့ရှိခဲ့ ရပါတယ်။ ရှုံးရင်လည်း ၂၀ ရာခိုင်နှုန်း လောက် ကျသွား တတ်တယ်လို့ သိရ ပါတယ်။

ည ၉နာရီလောက် ဆိုရင်တော့ အမျိုးသားတွေရဲ့ testosterone က တနေ့တာမှာ အနိမ့်ဆုံး အနေ အထားကို ရောက်လာပြီး အမျိုးသမီးတွေ ကတော့ အမြင့်ဆုံး နားကို ရောက်ဖို့ ဦးတည်နေပြီ ဖြစ်ပါတယ်။

ဒါပေမယ့် အမျိုးသားတွေက ဒီလိုအချိန်မှာ တောင် လိင်ဆက်ဆံဖို့ ဖြစ်နိုင် ပါသေးတယ်။ ဘာကြောင့်လဲဆိုတော့ အမျိုးသားတွေရဲ့ testosterone လယ်ဗယ်က အနိမ့် ဆုံ အနေ အထားမှာ ရှိနေ ရင်တောင် အမျိုးသမီးတွေ ထက်တော့ မြင့်နေသေးလို့ ဖြစ်ပါတယ်။

အဲဒါကြောင့်လည်း အမျိုးသား တွေနဲ့ အမျိုးသမီးတွေကြားမှာ လိင်စိတ်နိုးကြား တတ်တဲ့ အချိန်ကာလ (sex o’clock) ဆန့်ကျင်ဘက်တွေ ဖြစ်နေပေမယ့် သိသိသာသာ ကွဲပြားမှုတွေ မရှိခဲ့တာ ဖြစ်ပါတယ်။

Source: mirror.co.uk

အေးမင်း

ဧရာဝတီ by htet htet

Originally published at - http://burma.irrawaddy.com/lifestyle/2016/08/13/120536.html