ကျန်းမာရေးနှင့် ပတ်သက်သော ဗဟုသုတ၊ လိင်မှုကိစ္စ၊ ရောဂါများအကြောင်း၊ လေ့လာတွေ့ရှိချက်များ၊အစားအသောက်နှင့် လူနေမှုဘဝများ





ဤဘလောဂ့်ဆိုဒ်သည် ဆိုင်မွန်စာကြည့်ဆိုဒ်၏ ပရိတ်သတ်များ တက်ရောက် ဖတ်ရှုခြင်း လွယ်ကူမြန်ဆန် စေရန် ရည်ရွယ်၍ ထပ်မံတိုးထားသော ဆိုဒ်ပွား တစ်ခုသာ ဖြစ်ပါသည်။

Sunday, June 19, 2016

နား အကြားအာရုံ လန်းဆန်းစေဖို့




နားကလည်း လူတွေရဲ့  ဆက်သွယ် ရေးမှာ အဓိက ကျတဲ့ အင်္ဂါ အစိတ် အပိုင်း တခုပါ။ အကြား အာရုံ ချို့ယွင်းတာက လူမှု နယ်ပယ်မှာ အတော် ဒုက္ခ ရောက်ပါတယ်။ ပြေတာမကြား၊ ထင်တာ ပြန်ပြောနဲ့ လူရော စိတ်ပါ ပင်ပန်း ရတဲ့ ကိစ္စပါ။ နားအကြား အာရုံ မထိ ပါးအောင် ထောက်ကူ ပေးမှာ လေးတွေ သိထား သင့်ပါတယ်။

နားဖာချေး

အသက်အရွယ် ရလာလေလေ နားဖာချေးက ထွက်လေလေပါ။ နားဖာချေး ထူထပ်လာ တာကလည်း နားလေးစေတဲ့ အကြောင်း တခုပါ။ ပုံမှန် အားဖြင့်တော့ နားဖာချေးက သီးသန့် ကော်ထုတ် နေစရာ မလိုဘဲ နားက သဘာဝ အလျှောက် သန့်စင် ပေးတာပါ။ မာကျောလာ၊ ခဲလာရင်တော့ နားထိုင်းတဲ့ ပြဿနာ ဖြစ်တာပေါ့။ အဲဒီလို အခါမျိုးမှာ အိပ်ယာမဝင်ခင် သံလွင် ဆီလေး တစက်၊ နှစ်စက်လောက် နားထဲ ထည့်ပြီး အိပ်စက်တာက အဆင်ပြေ တယ်လို့ ဆိုပါတယ်။

ဟောက်သံ

ကိုယ်တိုင် ဒါမှမဟုတ် အတူ အိပ်သူက ဟောက်တတ် ရင်တော့ အိပ်တဲ့ အခါ နားကို အဆို့လေးနဲ့ ဆို့ပြီး အိပ်စက် သင့်ပါတယ်။ သိပ်နီးကပ် နေသူအတွက် ဟောက်သံ ကျယ်ကျယ်က ၉၀ ဒက်စီဘယ် လောက် ရှိတာမို့  လမ်းကြိတ် စက်သံ အနားမှာ ရှိနေတာ ထက်တောင် ပိုတယ်လို့ အဆို ရှိပါတယ်။ လက်တွေ့ သုတေသန ပြုချက်တွေ ကလည်း အဲသလို ဟောက်သူနဲ့ အတူ အိပ်စက်တာက နားထိုင်းစေတယ် ဆိုတာကို အခိုင်အမာ ထောက်ခံ ကြပါတယ်။



သွေးထဲမှာ ကိုလက်စထရောတွေ များလို့ သွေးကြောတွေ ကျဉ်းလာတဲ့အခါ အတွင်းနားကို သွေးလည်ပတ်မှု နည်းသွားပြီး နားထိုင်းစေတယ်လို့ ဆိုပါတယ်။ ကိုလက်စထရော များတာနဲ့ နားထိုင်းတာ ဆက်စပ်မှုကို လေ့လာ စမ်းသပ်ချက်တွေ ကလည်း အတည်ပြုကြပါတယ်။ အဆီတွေ လျှော့စားသင့်တာပေါ့။

ကိုယ်လက်လှုပ်ရှား

နားထိုင်းနေသူတွေတောင်မှ ကိုယ်လက်လှုပ်ရှား လေ့ကျင့်ခန်းတွေ လုပ်တဲ့အခါ အကြားအာရုံ ပြန်တက်လာတာတွေ ရပါသတဲ့။ လှုပ်ရှားမှုမရှိဘဲ သီချင်းသံ ကျယ်ကျယ်နဲ့ နေတတ် သူတွေ အဖို့တော့ နားလေး၊ နားထိုင်း ဖြစ်လာတာ တွေ့ရပါသတဲ့။ ဒါပေမဲ့ လေ့ကျင့်ခန်း၊ လှုပ်ရှားမှုတွေကို သီချင်းသံ အကျယ်ကြီးနဲ့ လုပ်သူတွေမှာတော့ နားထိုင်းတာကို တွေ့ ရပြန်ပါတယ်။

ကျန်းမာရေးနဲ့ ညီညွတ်တဲ့ အစာ

အစားအသောက်တွေကလည်း နားအကြားအာရုံမှာ အထောက်အကူ ဖြစ်စေပါတယ်။ အထူးသဖြင့် ဗီတာမင် စီ၊ ဗီတာမင် အီး၊ ဗီတာမင် ဘီ၊ မဂ္ဂနီဆီယမ် သတ္တုဓာတ်တွေက အကြားအာရုံ ကောင်းစေတယ်လို့ ဆိုပါတယ်။ အဆီများတဲ့ ငါးတွေကတော့ နားအကြားအာရုံကို ကာကွယ်တာမို့ စားသင့်တယ်လို့ ဆိုပါတယ်။

အထက်မှာ ပြောခဲ့တဲ့ အချက်တွေက လွယ်ကူရှင်းလင်းလှပါတယ်။ လိုက်နာကျင့်ကြံပြီး နားထိုင်းသူ မဖြစ်ရအောင် ကြိုတင် ကာကွယ်ထားကြပါစို့။

ဧရာဝတီ by Hsu Wai Linn

Originally published at - http://burma.irrawaddy.com/lifestyle/2016/06/19/116569.html

No comments:

Post a Comment