ဘဏ်ဝန်ထမ်းနဲ့ ဆစ်ဖလစ်

မြန်မာ့ သတင်းထူး သတင်းဦးများ ဖေ့စ်ဘွတ်ခ်မှာ တင်ထားတဲ့ ငွေစက္ကူ ရေတွက်တာ ကနေ ကာလသား ရောဂါ ကူးစက်နိုင် သလား ပို့စ်ကို တွေ့ရ ပါတယ်။ အဲတာကို ရှယ်သူ တွေလည်း မနည်းပါ။ သတင်းမှာ အမျိုးသမီး တဦးကို ဆေးစစ်တော့ ကာလသား ရောဂါ ရနေတယ်လို့ အဖြေထွက်။ သူ့အမျိုးသားကို စစ်တော့ ကာလသား ရောဂါ မတွေ့။

အိုဂျီကနေ ရောဂါ ဇစ်မြစ်ကိုရှာ။ အမျိုးသမီးက ဘဏ်ဝန်ထမ်းဖြစ်၊ ငွေစက္ကူတွေကိုင်၊ လက်မဆေးပဲ သန့်စင်ခန်း ဝင်ရာကနေ ကာလသား ရောဂါ ကူးစက်တယ်လို့ မှတ်ချက်ချ။ ကာလသား ရောဂါဟာ လိင်ဆက်ဆံရာ ကနေသာ မက ကြားနေ အရာဝတ္တု တွေကလည်း ကူးစက်။ ဂနိုနဲ့ ဆစ်ဖလစ် ဗိုင်းရပ်တွေဟာ လူခန္ဓာကိုယ် ကနေ ထွက်ပြီး ၂ နာရီမှာ ၃ နာရီ အကြားထိ အသက်ရှင်နိုင်။ စိုစွတ်နေတဲ့ တဘက်၊ စောင်၊ အိပ်ရာခင်းနဲ့ အိမ်သာ အိုးတွေမှာ လူ့ကိုယ်ကနေ ထွက်ခွာပြီး ၁ဝ နာရီမှ ၁၈ နာရီ အထိ အသက်ရှင်နိုင်။ ၈ဝ ရခိုင်နှုန်း ငွေစက္ကူ သစ် တရွက်မှာ အူလမ်းကြောင်း ဆိုင်ရာ ရောဂါပိုးတွေနဲ့ ဘီပိုးစတဲ့ ပိုးမွှားပေါင်း ၁၂ သိန်း ကျော်တွေ့ရှိ။ တနာရီကြာရင် လက်မှာ ရောဂါ ပိုးမွှားပေါင်း သုံးသန်းကျော် တွေ့ရှိ။ သာမန်သူတွေထက် အသည်းရောင် အသားဝါ ရောဂါ ကူးစက်နိုင်ခြေ ၆ ဆ ပိုမြှင့်မား။ အချိန်ပို ကြာလေ ကူးစက်နိုင်မှု ပိုမြင့်မားလေလို့ ဖူးဖူး (China.com) ကနေ ရေးထား ပါတယ်။

၁။ ဆေးပညာအရ သတင်းထဲမှာ ရေးတာ ခိုင်မာမှု မရှိပါ။

၂။ ကာလသား ရောဂါခေါ် ဆစ်ဖလစ်ဟာ လိင်ကတဆင့်သာ ကူးစက်တယ်။ လိင်ဆက်ဆံမှု မရှိသူ ဆိုရင် လိင်အင်္ဂါချင်း ထိတွေ့မှုနဲ့ ပိုးရှိ မိခင်မွေးလမ်း ကနေမွေးတဲ့ ကလေးကို ကူးစက်တယ်။ ဆစ်ဖလစ် ရှိသူရဲ့ အနာနဲ့ အနီကွက်ကို ထိကိုင် မိရာကနေ ကူးစက်နိုင်တယ်။ အသက်ရှူလမ်း၊ အစာလမ်းတွေ ကနေ မကူးစက်ပါ။ အသုံးအဆောင် ပစ္စည်းတွေကို ကိုင်ရာကနေ မကူးစက်ပါ။

၃။ ကာလသားရောဂါ (သို့) လိင်ကတဆင့် ကူးစက် ရောဂါပိုး အမျိုးမျိုး ရှိတယ်။

အဲဒါတွေကတော့
(၁) Chlamydia trachomatis (ကလာမိုင်ဒီးယား)၊
(၂) Gonorrhea ဂနိုရီးယား၊
(၃) Syphilis ဆစ်ဖလစ်၊
(၄) Genital herpes လိင်လမ်းရေယုံ၊
(၅) (ထွိုင်ကိုမိုးနပ်စ်) ဗဂျိုင်းနားရောင်ခြင်း၊
(၆) Chancroid ရှန်ကာ၊
(၇) LymphogranulomaVenereum (LGV) လိင်အင်္ဂါအနာ၊
(၈) Genital Warts လိင်အင်္ဂါကြွက်နို့၊
(၉) အသည်းရောင် (ဘီ) နဲ့
(၁ဝ) HIV/AIDS တွေဖြစ်တယ်။

အဲတာတွေထဲမှာ လိင်လမ်းရေယုံ၊ လိင်လမ်းကြွက်၊ အသည်းရောင် (ဘီ) နဲ့ HIV တွေကသာ ဗိုင်းရပ်စ်တွေ ဖြစ်တယ်။ စာထဲမှာ ရောရေး ထားတာ မှားတယ်။

၎။ ရောဂါပိုးမွှားတွေဆိုတာ ငွေစက္ကူသစ်မှာသာမဟုတ်ပါ။ လူတွေပတ်ဝန်းကျင် နေရာတိုင်းမှာရှိနေကြတယ်။ လေထဲမှာလည်းရှိတယ်။ ရေထဲ၊ မြေကြီးထဲ၊ အစားအသောက်တွေမှာလည်းရှိနေတယ်။ လူ့ခန္ဓာကိုယ်ကို (ဆဲလ်) ပေါင်း (၁ဝ) ထရီလီယန်နဲ့တည်ဆောက်ထားတယ်။ ဒါပေမယ့် အဲဒီလူ့ခန္ဓာကိုယ်ဟာ ပိုးမွှားပေါင်း (၁ဝဝ၀ ထရီလီယန်က နေစရာ လုပ်ထားခံနေရတယ်။

၅။ ဆစ်ဖလစ်ရောဂါကိုဖြစ်စေတဲ့ T. pallidum ပိုးဟာ 6-15 micrometers ရှည်ပြီး 0.25 micrometers အချင်းရှိတယ်။ ပိုးရှိနေသူရဲ့အနာနဲ့ထိတွေ့မှသာကူးစက်တယ်။ ကျား-မ လိင်အင်္ဂါတွေ၊ စအိုနဲ့ ပါးစပ်နားမှာ အနာလာဖြစ်မယ်။ လူကိုယ် အပြင်ဖက်မှာ မသက်မရှင်နိုင်ပါ။ ဓါတ်ခွဲခန်းထဲမှာမွေးယူလို့လည်းမရပါ။ အိမ်ရှင်ပေါ်မှာသာပေါက်ပွါးတယ်။ အချိန်ပိုကြာလေ ကူးစက်နိုင်မှု ပိုမြင့်မားလေဆိုတာ မှားတယ်။

ဆစ်ဖလစ် ပဌမအဆင့်ဆိုတာ (မနာတဲ့) အနာပေါက်တာဖြစ်တယ်။ ပိုးဝင်ခံရပြီးနောက် ၁ဝ ရက်ကနေ ရက် ၉ဝ အတွင်း ဖြစ်တယ်။ ဆေးမကုလည်း ၃-၆ ပါတ်နေရင် ပျောက် သွားမယ်။ ဒုတိယ အဆင့်ဆိုတာ အနီရောင် အကွက် ဖြစ်လာမယ်။ ကိုယ်ရဲ့ ဘယ်နေရာမှာ မဆို ဖြစ်နိုင်တယ်။ မယားဘူး။ နီညိုညို အရောင်ရှိတယ်။ လက်ဖဝါး-ခြေဖဝါးမှာ တွေ့တာ များတယ်။

အရေပြားအပါးစား (မြူးကပ်စ် မင်ဘရိန်) မှာ အနာ ဖြစ်လာမယ်။ ကိုယ်ပူနိုင်တယ်။ တက်စေ့တွေရောင်နိုင်တယ်။ လည်ချောင်းနာနိုင်တယ်။ နေရာကွက်ပြီး ဆံပင်ကျွတ်နိုင်တယ်။ ခေါင်းကိုက်နိုင်တယ်။ ကြွက်သားတွေနာနိုင်တယ်။ အားကုန်နေပြီး ကိုယ်အလေးချိန်ကျမယ်။ အဲတာတွေလည်း ဆေးမကုပဲပျောက်အုန်းမယ်။

နောက်တဆင့်ကတော့ ငုပ်နေတဲ့ဆစ်ဖလစ်။ နှစ်နဲ့ချီကြာနိုင်တယ်။ ဆေးမကုသူ ၁၅% မှာဖြစ်တယ်။ ဆက်ဖြစ်ရင်တော့ ဆိုးလာပြီ။ ဦးနှောက်၊ အာရုံကြောတွေဆီရောက်နိုင်တယ်။ အတွင်းအင်္ဂါတွေကိုထိခိုက်မယ်။ မျက်စိ၊ နှလုံး၊ သွေးကြော၊ အသည်း၊ အရိုး-အဆစ်။ သတင်းမှာသုံးထားတဲ့ အရေပြားအနာတွေဆိုရင် ဆစ်လစ် ဒုတိယအဆင့် ရောက်နေပါပြီ။

လုပ်ငန်းခွင်ကျန်းမာရေးသတိထားစရာတွေရှိပါတယ်။ ဘဏ်မှာအလုပ်လုပ်ရသူတွေ ငွေစက္ကူကိုင်ရင် မကြာမကြာ လက်ဆေးပါ။ လက်အိတ်သုံးပါ။ ဖြစ်နိုင်သမျှ စက်သုံးပါ။ ကာလသားရောဂါမကူးအောင်တော့ လိမ်လမ်းကိုသာဂရုစိုက်ပါ။ ကျန်းမာရေးအသိပညာပေးတာ ကောင်းပါတယ်။ မှန်ကန်တိကျတဲ့သတိပေးမှုသာ ဖြစ်ရပါမယ်။ ဖတ်တဲ့သူတွေ မျက်လုံးပြူးအောင်၊ အထိတ်တလန့်ဖြစ်အောင်၊ ရောင်းကောင်းအောင် မီဒီယာကိုတလွဲအသုံးပြုတာ အပြစ်မကင်းပါ။

ဒေါက်တာတင့်ဆွေ ဖေ့စ်ဘွတ်ခ်စာမျက်နှာမှ ပြန်လည်ကူးယူဖော်ပြသည်။

Originally published at - https://www.facebook.com/ဒေါက်တာတင့်ဆွေ