ကျန်းမာရေးနှင့် ပတ်သက်သော ဗဟုသုတ၊ လိင်မှုကိစ္စ၊ ရောဂါများအကြောင်း၊ လေ့လာတွေ့ရှိချက်များ၊အစားအသောက်နှင့် လူနေမှုဘဝများ

ဤဘလောဂ့်ဆိုဒ်သည် ဆိုင်မွန်စာကြည့်ဆိုဒ်၏ ပရိတ်သတ်များ တက်ရောက် ဖတ်ရှုခြင်း လွယ်ကူမြန်ဆန် စေရန် ရည်ရွယ်၍ ထပ်မံတိုးထားသော ဆိုဒ်ပွား တစ်ခုသာ ဖြစ်ပါသည်။

Friday, February 12, 2016

ကိုယ်ဝန်ဆောင် မိခင်တွေရဲ့ အဝလွန်မှုက ကလေးကို အော်တစ်ဇင် ဖြစ်နိုင်နှုန်း မြှင့်တက်စေ




ကိုယ်ဝန်ဆောင် မိခင်တွေရဲ့ အဝလွန်ခြင်းဟာ ဆိုရင်တော့ မွေးဖွား လာမယ့် ကလေးငယ်ရဲ့ အော်တစ်ဇင် ရောဂါ (အထီးကျန်သည့် စိတ်ဝေဒနာ ရောဂါ) ဖြစ်နိုင်မှုနှုန်းထားကို
လေးဆလောက် မြင့်မားစေတယ်လို့ သိရပါတယ်။

ဒါ့အပြင် ကိုယ်ဝန်ဆောင် မိခင်မှာ ဆီးချိုရောဂါ ဖြစ်နေရင်လည်း ကလေးငယ်မှာ အော်တစ်ဇင် ရောဂါ ဖြစ်ပွားနိုင်မှု ရှိ / မရှိက တိုက်ရိုက် အချိုးကျ နေတယ်လို့ Bloomberg ကျောင်းက လေ့လာ သူတွေက ပြောပါတယ်။

“ ကျွန်တော်တို့ သိခဲ့ တာကတော့ ကိုယ်ဝန်ဆောင် မိခင်တွေ အဝလွန်နေ တာနဲ့ ဆီးချိုရောဂါ လိုမျိုးတွေ ရှိနေတာဟာ ကလေးငယ်ရဲ့ ကျန်းမာရေး အတွက် မကောင်းစေဘူး ဆိုတာကိုပါ။

အခုတော့ ကျွန်တော်တို့ ထပ်တွေ့ခဲ့ရ တာကတော့ မိခင်ရဲ့ ဒီလိုရောဂါတွေဟာ ကလေးကို ကာလ ရှည်ကြာလာတဲ့ အခါမှာတော့ အာရုံကြောဖွံ့ဖြိုးမှု နှေးကွေးစေတယ် ဆိုတာပါပဲ ” လို့ ဦးဆောင် လေ့လာသူ ဒေါက်တာ ရှောင်ဘင်ဝန်းက ပြောပါတယ်။

နောက်ဆုံး စစ်တမ်းတွေ အရတော့ အော်တစ်ဇင် ရောဂါ ဖြစ်နေတဲ့ ကလေးငယ်တွေဟာ ဆိုရင်တော့ ၆၈ ယောက်မှာ တစ်ယောက်နှုန်း အထိ မြှင့်တက် လာခဲ့ပါတယ်။

၂၀၀၀ ပြည့်နှစ် ပတ်ဝန်းကျင်တုန်းကတော့ ကလေးငယ် ၁၅၀ လောက်မှာ တစ်ယောက်နှုန်း ဖြစ်ခဲ့တာ ဖြစ်ပေမယ့်လည်း အခု ကာလမှာတော့ နှစ်ဆကျော် အထိ ဖြစ်ပွားမှုနှုန်း တိုးတက် လာခဲ့တာပါ။

ပညာရှင်တွေကလည်း ဒီရောဂါကို ကုသနိုင်ဖို့ နည်းလမ်းကို အခုကာလ အထိ ရေရေ ရာရာ မရှာဖွေနိုင် သေးပါဘူး။

ဒါ့ကြောင့် ဒေါက်တာဝန်းနဲ့ လေ့လာသူတွေဟာ ဆိုရင်တော့ ၁၉၉၈ ခုနှစ်ကနေ ၂၀၁၄ ခုနှစ် အထိ မွေးဖွားခဲ့တဲ့ ကလေးငယ် ၂၇၃၄ ယောက်နဲ့ သူတို့ရဲ့ မိခင်တွေကို သုတေသန ပြုလုပ်ခဲ့ ကြပါတယ်။

သုတေသန ကာလ တစ်လျှောက်လုံး မှာတော့ မိခင်တွေရဲ့ ကျန်းမာရေး အခြေအနေတွေနဲ့ ကလေးငယ်တွေရဲ့ အာရုံကြော ဖွံ့ဖြိုးမှုတွေကို စောင့်ကြည့် ခဲ့ကြပါတယ်။

ရလဒ်အနေနဲ့တော့ ဆီးချိုရောဂါ ရှိတဲ့ မိခင်တွေနဲ့ အဝလွန်တဲ့ မိခင်တွေရဲ့ ကလေးငယ်တွေဟာ ဆိုရင်တော့ ASD (အော်တစ်ဇင် အာရုံကြော ချို့တဲ့မှု ဖြစ်ပွားနိုင်နှုန်း) ပိုမိုမြင့်မားနေ ခဲ့တာကို လေ့လာတွေ့ရှိ ခဲ့ပါတယ်။

သူတို့ရဲ့ အခုလိုတွေ့ရှိမှုဟာ ဆိုရင်တော့ သန္ဓေသားလောင်း ထဲမှာတည်းက အော်တစ်ဇင် ရောဂါက ဖြစ်ပွားနိုင်မှု ရှိနေတယ် ဆိုတာကို သိရှိနိုင်ခဲ့ ကြပါတယ်။

့အခုလိုတွေ့ရှိ မှုတွေကြောင့် လေ့လာ သူတွေဟာ ကလေးငယ်တွေ မိခင်ဝမ်းထဲမှာ ရှိစဉ်တည်းက ဒီရောဂါကို ကာကွယ်နိုင်ဖို့ နည်းလမ်းတွေကို ကြိုးစားပြီး ရှာဖွေ သွားတော့မှာ ဖြစ်တယ်လို့ သိရပါတယ်။

( Paing A K )

Ref : MNT

Originally published at - http://health.thithtoolwin.com/2016/02/blog-post.html


No comments:

Post a Comment