ကျန်းမာရေးနှင့် ပတ်သက်သော ဗဟုသုတ၊ လိင်မှုကိစ္စ၊ ရောဂါများအကြောင်း၊ လေ့လာတွေ့ရှိချက်များ၊အစားအသောက်နှင့် လူနေမှုဘဝများ

ဤဘလောဂ့်ဆိုဒ်သည် ဆိုင်မွန်စာကြည့်ဆိုဒ်၏ ပရိတ်သတ်များ တက်ရောက် ဖတ်ရှုခြင်း လွယ်ကူမြန်ဆန် စေရန် ရည်ရွယ်၍ ထပ်မံတိုးထားသော ဆိုဒ်ပွား တစ်ခုသာ ဖြစ်ပါသည်။

Saturday, January 16, 2016

သုတ်ပိုး ထုတ်လွှတ်မှုကို အဖွင့်အပိတ်လုပ်ပြီး သားဆက်ခြားနိုင်တဲ့ ပစ္စည်း




သားကြောဖြတ် ခွဲစိတ်မှု ကိုလည်း မခံယူချင်၊ အမြဲတမ်း စိတ်မချရတဲ့ ကွန်ဒုံးကိုလည်း မသုံးချင်တဲ့ အမျိုးသားတွေ အတွက် အသုံးဝင်မယ့် ပစ္စည်း တစ်ခု ထွက်ပေါ် လာပါပြီ။

ဂျာမနီ လူမျိုး၊ တီထွင်သူပညာရှင် Clemens Bismek ဟာ Bismek SLV လို့ အမည်ပေးထားတဲ့ ခေတ်မီအမျိုးသား၊ သားဆက်ခြားပစ္စည်းတစ်ခုကို တီထွင်လိုက်ပါတယ်။

ဒီပစ္စည်းကို သုတ်လွှတ်ကြောမှာတပ်ဆင်ပြီး အဖွင့်၊အပိတ် ခလုတ်ကို အပြင်က နှိပ်ပေးရုံနဲ့ သုတ်စီးဆင်းမှုကိုတားဆီးပေးကာ၊ ကလေးရနိုင်ခြေမရှိတော့မှာဖြစ်ပါတယ်။

Clemens Bimek ဟာ ဒီပစ္စည်းကိုတီထွင်ဖို့ စိတ်ကူးကို လွန်ခဲ့တဲ့နှစ် ၂၀ ကျော်က သားဆက်ခြားခြင်းအကြောင်း ရုပ်သံမှတ်တမ်း ဗီဒီယိုတစ်ခုကို ကြည့်နေစဉ်မှာ ရခဲ့တာဖြစ်ပြီး ရိုးရှင်းတဲ့အဆို့ ရှင်တစ်ခုနဲ့  သုတ်ကောင်ပါဝင်မှုကို ထိန်းချုပ်ဖို့ ဖြစ်နိုင်မလားဆိုတာကို တွေးတောမိခဲ့တာဖြစ်တယ်လို့ Spiegel မဂ္ဂဇင်းကို ရှင်းပြခဲ့ပါတယ်။

Bismek SLV ဆိုတဲ့ အဆို့ ရှင်ပစ္စည်းလေးဟာ တစ်လက်မလောက်တောင်မရှိဘဲ၊ အလေးချိန်ကလည်း တစ်အောင်စရဲ့ ဆယ်ပုံတစ်ပုံမျှသာရှိပါတယ်။ ဒီအဆို့ ရှင်လေးတွေကို ဝှေးစေ့ကနေ သုတ်ပို့ လွှတ်ပေးတဲ့ vas deferens ဆိုတဲ့ သုတ်လွှတ်ကြော မှာ ခွဲစိတ်တပ်ဆင်ရတာ ဖြစ်ပါတယ်။ ခွဲစိတ်မှု တစ်ခုလုံးရဲ့ကြာမြင့်ချိန်ဟာ နာရီဝက်သာ ရှိတယ်လို့ သိရပါတယ်။

ထို့ နောက် ကလေးရယူချင်တယ်ဆိုရင် ဒီပစ္စည်းလေးရဲ့ခလုတ်ကို ယောင်္ကျား ကပ်ပယ်အိတ်နေရာကနေ ဖွင့်ထားနိုင်ပြီး၊ ကလေး မယူချင်ရင်တော့ သုတ်ကောင်စီးဆင်းမှုကို တားဆီးဖို့ အတွက် ခလုတ်ကို ပိတ်ထားနိုင်မှာဖြစ်ပါတယ်။

အခုအချိန်ထိတော့ ဒီအဆို့ ရှင်ကို Mr Bimek တစ်ယောက်ဆီမှာပဲ တပ်ဆင်စမ်းသပ်ထားတာဖြစ်ပြီး ဒီနှစ်အစောပိုင်းအတွင်း နောက်ထပ်အမျိုးသား ၂၅ ဦးမှာ ထပ်မံ ခွဲစိတ်ထည့်သွင်းပေး သွားဖို့ ရှိပါတယ်။

Ref: telegraph

Originally published at - http://health.thithtoolwin.com/2016/01/blog-post_11.html


No comments:

Post a Comment