ထာဝရ အသက်ရှည်ဆေး ဖော်စပ်ဖို့ နီးစပ်လာပြီဖြစ်ကြောင်း သိပ္ပံပညာရှင်တွေ ပြောကြား

ဆိုက်ဘေး ရီးယား ရေခဲပြင် မြေလွှာထဲမှာ နှစ်ပေါင်း ၃.၅ သန်းကျော် အသက်ရှင် နေခဲ့တဲ့ ဘက်တီးရီးယားကို ရှာဖွေတွေ့ ရှိပြီးနောက်မှာ သိပ္ပံပညာရှင် တွေရဲ့ နတ်သက်ရှည်ဆေး ဖော်စပ်ဖို့ ကြိုးပမ်းမှုဟာ အရေးကြီး ခြေလှမ်း တစ်ရပ်ကို လှမ်းနိုင် လိုက်ပြီ ဖြစ်တယ်လို့ ဆိုပါတယ်။ သိပ္ပံပညာရှင်တွေဟာ ဆိုက်ဘေးရီးယား ရေခဲပြင်လို ကြမ်းတမ်းတဲ့ ဒေသ အခြေအနေမှာ ဒီဘက်တီးရီးယား အနေနဲ့ ဘယ်လို အသက်ရှင် နေခဲ့သလဲ ဆိုတဲ့ အပေါ်မှာ ဘက်တီးရီးယားရဲ့ DNA ကို ဖော်ထုတ်နိုင် ပြီးတဲ့အခါ ပိုမိုနားလည်သဘောပေါက်နိုင်ဖို့ မျှော်မှန်း ထားကြပါတယ်။ ယခုအထိ တွေ့ ရှိရတဲ့ အရိပ်လက္ခဏာတွေကတော့ အလားအလာကောင်းလျက် ရှိပါတယ်။ “ ကြွက်တွေနဲ့ အသီးအနှံတွေမှာ ကျွန်တော်တို့ စမ်းသပ်မှုအများအပြားလုပ်ခဲ့ ပြီးနောက်မှာ၊ အသက်ရှည်မှုနဲ့ သန္ဓေ အောင်မှုပိုင်းကို ဒီဘက်တီးရီးယားက ထိန်းထားပေးနိုင်တဲ့ အကျိုး သက်ရောက်မှုကို တွေ့ ရှိခဲ့ရ ပါတယ်” လို့  အဆိုပါ ဘက်တီးရီးယားကို ရှာဖွေတွေ့ ရှိခဲ့တဲ့ ရှရှား လူမျိုး Dr Anatoli Brouchkov က ပြောကြားပါတယ်။ “ ဒီဘက်တီးရီးယားရဲ့ မျိုးဗီဇ အသုံးဝင်ပုံ၊ ဂျီနို(မ်) ခေါ် ဒီအင်န်အေထဲက အချက် အလက်စုကို ကာကွယ်ထားတဲ့ အင်္ဂါ အစိတ်အပိုင်းစုရဲ့ ဆောင်ရွက် ပုံတွေကို ကျွန်တော်တို့ နားလည် သဘောပေါက်ဖို့  လိုအပ်ပါတယ်” လို့ သူက ထပ်မံပြောကြား ခဲ့ပါတယ်။ “ကမ္ဘာကြီးမှာ မသေဆုံးနိုင်တဲ့ (၀ါ) ထာဝရအသက်ရှင်နိုင်တဲ့ ဘက်တီးရီးယားတွေ၊ သတ္တ၀ါတွေ ရှိတယ်လို့ ကျွန်တော်ဆိုချင်ပါတယ်။ သူတို့ က မသေနိုင်ဘူး။ ပိုပြီးအတိအကျပြောရရင်၊ ဆဲလ်ပျက်စီးမှုကို သူတို့ ဘာသာ ကာကွယ်နိုင်ပါတယ်” “ကျွန်တော်တို့ ဆဲလ်တွေကတော့ ပျက်စီးမှုကို သူတို့ ဘာသာ မကာကွယ်နိုင်ပါဘူး။ ဒီဘက်တီးရီးယားရဲ့ ပျက်စီးမှုနဲ့ အိုမင်းမှုကို ကာကွယ်ပေးတဲ့ ဆောင်ရွက်ပုံယန္တရား ကို ရှာတွေ့ မယ်ဆိုရင်၊ ကျွန်တော်တို့ လူသားတွေ အိုမင်းရင့်ရော်မှုအတွက် ပြန်အသုံးချနိုင်မှာပါ။ ဒါဟာ လူသားတွေရဲ့ အဓိကပဟေဠိပုစ္ဆာတစ်ပုဒ်ဖြစ်ပြီး ဒါကို ကျွန်တော်တို့ ဖြေရှင်းနိုင်လိမ့်မယ်လို့ ယုံကြည်ပါတယ်။” လို့ Dr.Brouchkov က ရှင်းပြခဲ့ပါတယ်။ ( Ye Wint ) သစ်ထူးလွင်(ကျန်းမာရေး) Ref: Mirror Original link - http://health.thithtoolwin.com/2015/09/blog-post_66.html