ကျန်းမာရေးနှင့် ပတ်သက်သော ဗဟုသုတ၊ လိင်မှုကိစ္စ၊ ရောဂါများအကြောင်း၊ လေ့လာတွေ့ရှိချက်များ၊အစားအသောက်နှင့် လူနေမှုဘဝများ

ဤဘလောဂ့်ဆိုဒ်သည် ဆိုင်မွန်စာကြည့်ဆိုဒ်၏ ပရိတ်သတ်များ တက်ရောက် ဖတ်ရှုခြင်း လွယ်ကူမြန်ဆန် စေရန် ရည်ရွယ်၍ ထပ်မံတိုးထားသော ဆိုဒ်ပွား တစ်ခုသာ ဖြစ်ပါသည်။

Sunday, October 25, 2015

ဝမ်းသွားမည့်အချိန်ကို ခန့်မှန်းပေးနိုင်သည့် ကိရိယာ (ရုပ်သံ)




Dfree ကို သက်ကြီး ပိုင်းတွေမှာ ဆီးဝမ်း မထိန်းနိုင်တဲ့ ပြဿ နာတွေကို လျှော့ချဖို့ ဒီဇိုင်း ထုတ်ထား တာပါ။ ဒီပစ္စည်းကို တိုကျိုမြို့ပြင်မှာ ကျင်းပတဲ့ နောက်ဆုံးပေါ် အိုင်တီနဲ့ လျှပ်စစ်ပစ္စည်း အရောင်း ပွဲတော်မှာ Triple W Japan ကုမ္ပဏီက ပြသ ခဲ့ပါတယ်။

“ဒီကိရိယာက ၀မ်းသွားတော့မှာကို ခန့်မှန်းနိုင်ပါတယ်။ အစာအိမ်ကို ထောက်လှမ်းပြီး အသံလွန်လှိုင်းတွေသုံးပြီး ကိုယ်တွင်း အင်္ဂါတွေကို စောင့်ကြည့် ပါတယ်။ ပြီးမှ စမတ်ဖုန်းတွေဆီ သတင်း အချက်အလက် ပေးပို့ပြီး ပုံရိပ် ထင်စေတာပါ။”

သုံးစွဲသူတွေကို ဘယ်အချိန်မှာ အိမ်သာ တက်ရတော့မယ် ဆိုတာ ဒီကိရိယာက အသိပေးတဲ့ အတွက် ဆီးဝမ်း မထိန်းနိုင်မှာကို စိုးရိမ်တဲ့ သောကတွေကို လျှော့ချ ပေးနိုင်မယ်လို့ ကုမ္ပဏီက ဆိုပါတယ်။ Dfree ကို သုံးစွဲသူရဲ့ အောက်ခံ ဘောင်းဘီမှာ တပ်ဆင် ရမှာပါ။ ဒါပေမယ့် လာမယ့်နွေဦးမှာ မဖြန့်ချိခင် ချိန်ညှိ ပြင်ဆင်တာတွေ လုပ်ရဦးမှာ ဖြစ်ပါတယ်။

“ဒီကိရိယာနဲ့ အစာအိမ် အမြဲနီးကပ်နေအောင်လုပ်ဖို့ တိပ်ပဲသုံးရမလား၊ ခါးပတ်နဲ့ တွဲရမလားဆိုတာ ကြည့်နေတုန်းပဲ ရှိပါသေးတယ်။ ဒါပေမယ့် သက်ကြီးရွယ်အို အတော်များများကတော့ ပွတ်တိုက်မိလို့ အရေပြား ရောင်ရမ်းမှာကို စိုးရိမ်ကြတယ်။ ဒီတော့ ဒီကိရိယာကို အန္တရာယ်ကင်းကင်းနဲ့ မြဲနေအောင် ဘယ်လိုတပ်ဆင်ရမလဲဆိုတာ ကြိုးစားနေတုန်းပါ။”

သက္ကရာဇ် ၂၀၆၀ မှာ ဂျပန်နိုင်ငံ လူဦးရေရဲ့ ၄၀ ရာခိုင်နှုန်းဟာ ပင်စင်စားတွေ ဖြစ်လာကြမှာပါ။ ဒါကြောင့် Triple W ကုမ္ပဏီက Dfree ကိရိယာဟာ ဈေးကွက်အလားအလာရှိတယ်လို့ ယူဆထားပါတယ်။ ကလေးငယ်တွေ ဘယ်အချိန် ၀မ်းသွားမလဲဆိုတာ မိဘတွေကို နှိုးဆော်နိုင်မယ့် အလားတူစနစ်တခုကို တီထွင်ဖို့လည်း ဆန္ဒရှိနေပါတယ်။ အဲဒီကိရိယာဟာ ကလေးတွေ အိမ်သာထိုင်တဲ့ အလေ့အထရှိအောင် လေ့ကျင့်ရာမှာ အသုံးဝင်မယ်လို့ ယူဆထားပါတယ်။

video

by ဒီဗွီဘီ

Original link - http://burmese.dvb.no/archives/118533

ဒီပို့စ်လေးကို နှစ်သက်တယ်ဆိုရင်
လုပ်နိုင်ပါတယ်။

No comments:

Post a Comment