မြန်မာနိုင်ငံမှာ ဆူညံ သံတွေကြောင့် နားလေးမှု အပါ အဝင် ကျန်းမာရေး ပြဿနာတွှေ ဖြစ်စေနိုင် တယ်လို့ ကျန်းမာရေး ပညာရှင် တွေက သတိပေး ပြောဆို ပါတယ်။
ပြင်းထန်တဲ့ ဆူညံသံ တွေက နား အတွင်းပိုင်းကို တုန်ခါစေပြီး အကြား အာရုံကြောငယ် တွေကို သေစေနိုင် တာကြောင့် နားလေးတာ ဖြစ်စေပြီး၊ အသံ တုန်ခါမှု ၉၀ ဒက်ဆီဘယ် ကျော်တဲ့ အသံတွေ ဖြစ်တဲ့ မော်တော်ကား ဆူညံသံ၊ မီးစက်သံ၊ ဘိလပ်မြေ ဖျော်စက်သံတွေ မျိုးကို တစ်နေ့ (၈) နာရီထက် ပိုခံစား ရသူတွေ၊ နောက် ၁၁၅ ဒက်ဆီဘယ်ကျော် အသံတွေ ဖြစ်တဲ့ လော်စပီကာသံ၊ ကားဟွန်းသံ၊ သစ်သား ရေဘော်ထိုး စက်သံ၊ ပြင်းထန်တဲ့ ကားအင်ဂျင် စက်သံ တွေ မျိုးကို တစ်နေ့ (၁၅) မိနစ်ထက် ပိုခံစား ရသူတွေ အနေနဲ့ ရေရှည်မှာ နားလေး လာနိုင်ပါတယ်။
တုန်ခါမှု ၁၄၀ ဒက်ဆီဘယ်ကျော် အသံတွေဖြစ်တဲ့ ပြင်းထန်တဲ့ ဂျက်လေယာဉ်သံ၊ ယမ်းပေါက်ကွဲသံ၊ ဗုံးပေါက်ကွဲသံနဲ့ စစ်မြေပြင် ပစ်ခပ်မှုအသံတွေကြောင့် ဆိုရင်တော့ ချက်ချင်းပင် နားလေးသွားနိုင်ပါတယ်။
ဆူညံသံတွေကြောင့် နားထိခိုက်တာ အပြင် အခြား ဖြစ်စေနိုင်တာတွေ ကတော့ စိတ်တိုတာ၊ ဂဏာ မငြိမ်ဖြစ်တာ၊ နှလုံးခုန် မြန်လာပြီး သွေးတိုး စေနိုင်တာ၊ အစာအိမ်ရောဂါ ဖြစ်စေနိုင်တာ၊ အာရုံ စူးစိုက်မှု နည်းစေ တာတွေ ဖြစ်ပါတယ်။
အခုလို ဆူညံသံတွေကြောင့် နားနဲ့ အခြားကျန်းမာရေးတွေ မထိခိုက်ရအောင် ကာကွယ်ဖို့အတွက် အသံ ထုတ်လွှင့်သူတွေဘက်က အသံ မကျယ်အောင်
လျော့ပေးသင့်ပါတယ်။
တုန်ခါမှု ၁၁၅ ရှိတဲ့ လော်စပီကာအစား တုန်ခါမှု ၇၀ နဲ့ ၈၀ ကြားရှိတဲ့ အသံချဲ့စက် (Sound Box) တွေကို အစားထိုးသုံးသင့်ပါတယ်။ တရပ်ကွက်လုံး ကြားစေနိုင်မဲ့ အသံအစား တစ်အိမ်ကျော် နှစ်အိမ်လောက် ကြားနိုင်တဲ့ အသံအနေအထားလောက်ပဲ ထားသင့်ပါတယ်။
ဒါ့အပြင် ဆူညံသံ ထုတ်လွှင့်မှုကို တတ်နိုင်သမျှ ကြာချိန် နည်းအောင် စီမံပေးသင့် ပါတယ်။ ဆူညံသံကြောင့် ပြဿနာတွေ ဆက်ဖြစ်နိုင် တာမို့လဲ အစိုးရ (သို့မဟုတ်) သက်ဆိုင်ရာ ရပ်ကွက် ဒေသခံတွေ အနေနဲ့ ဆူညံသံ ဆိုင်ရာ ဥပဒေ၊ စည်းကမ်းတွေ ထုတ်ပြီး ထိန်းကြောင်း ပေးသင့် ပါတယ်။
ဆူညံသံ ခံစားရသူတွေ အနေနဲ့လည်း နားပိတ်အဆို့ (Ear Plug) တွေတပ်ဆင်တာ၊ နားပိတ် နားကြပ် (Ear Muff) တွေ တပ်ဆင်တာတွေ လုပ်ပေးနိုင်ပါတယ်။
တကယ်လို့ အသံကြောင့် နားလေးလာတဲ့ လက္ခဏာတွေ ပြလာရင်တော့ စောစောစီးစီး နားအထူးကု ဆရာဝန်နဲ့ ပြသင့်တာမို့ စောင့်ကြည့်ရမယ့် လက္ခဏာ တွေက စကား အပြန် အလှန်ပြောရင် မရှင်းလို့ ထပ်ခါ ထပ်ခါ ပြန်မေးရတာ၊ ပုံမှန် သူတွေထက် TV နဲ့ ရေဒီယိုသံတွေ ပိုချဲ့ခိုင်းတာ၊ ကလေးငိုသံနဲ့ ဖုန်းမည်သံတွေ မကြားတော့ တာတွေ ဖြစ်ပါတယ်။
ဒီအကြောင်း မြန်မာနိုင်ငံ ဆရာဝန်များအသင်းက ဒေါက်တာ မြင့်ဦးကို ကိုဝင်းမင်းက ဆက်သွယ်မေးမြန်း တင်ပြထားပါတယ်။
အသံဖိုင်နားဆင်ရန်
From : ဗွီအိုအေမြန်မာသတင်းဋ္ဌာန by : (ဦးအောင်ခင်, ကျော်ကျော်သိန်း)
Originally published at - http://burmese.voanews.com
No comments:
Post a Comment