ကျန်းမာရေးနှင့် ပတ်သက်သော ဗဟုသုတ၊ လိင်မှုကိစ္စ၊ ရောဂါများအကြောင်း၊ လေ့လာတွေ့ရှိချက်များ၊အစားအသောက်နှင့် လူနေမှုဘဝများ

ဤဘလောဂ့်ဆိုဒ်သည် ဆိုင်မွန်စာကြည့်ဆိုဒ်၏ ပရိတ်သတ်များ တက်ရောက် ဖတ်ရှုခြင်း လွယ်ကူမြန်ဆန် စေရန် ရည်ရွယ်၍ ထပ်မံတိုးထားသော ဆိုဒ်ပွား တစ်ခုသာ ဖြစ်ပါသည်။

Friday, February 26, 2016

ချိုင်းအတွင်းသား မည်းနေသူတွေ အတွက် အလွယ် နည်းလမ်း




အကြောင်း အမျိုးမျိုးကြောင့် ချိုင်း အတွင်း သားတွေ မည်းနေရင် အင်္ကျီ လက်ပြတ်၊ လက်တိုတွေ ဝတ်တဲ့ အခါ စိတ် အနှောင့် အယှက် ဖြစ်ရ တတ်ပါတယ်။

အလုပ်ရှုပ် မခံချင် သူတွေနဲ့ ဆိုင်မှာ သွားပြီး မလုပ်ချင် သူတွေ အတွက် အိမ် မှာ အလွယ် တကူ ရှိနေ တတ်တဲ့ အသီးအနှံ တွေနဲ့ အလွယ် ဖြေရှင်း နိုင်မယ့် နည်းလမ်းလေး တွေကို ဖော်ပြပေး လိုက်ပါတယ်။

ပထမနည်း ကတော့ အာလူး အသုံးပြု တာပါ။ အာလူးမှာ အက်စစ်ပျော့ ပါဝင်တဲ့ အတွက် သဘာဝ အရေပြား ကြေးချွတ်ဆေး ဆိုရင် မမှားပါဘူး။ အာလူးကို အခွံနွှာ ပြီးတော့ပဲ ဖြစ်ဖြစ်၊ အခွံနဲ့ပဲ ဖြစ်ဖြစ် ပါးပါးလေး လှီးပြီး ချိုင်းအတွင်း သားကို နှိပ်နယ် ပွတ်ခြေပါ။

ပြီးရင် အာလူးရည်တွေ ချိုင်းသား ထဲ စိမ့်ဝင် သွားအောင် အာလူး အလွှာ ပါးလေးကို ချိုင်းသားမှာ နာရီဝက်၊ တစ်နာရီ လောက် ကပ်ထားပါ။ အာလူး အလွှာပါး ခြောက် သွားပြီ ဆိုရင် ချိုင်းကို ရေခပ် နွေးနွေးနဲ့ ဆေးကြောပါ။

ဒီလိုကပ် မထားချင်ဘူး ဆိုရင်လည်း အာလူးကို ကြိတ်ခြေ အရည်ညှစ်ပြီး ချိုင်းကို သုတ်လိမ်းပြီး မိနစ် ၂၀ လောက် နေရင် ရေနွေးနွေး လေးနဲ့ ဆေးပါ။ ဒီလိုမျိုး နှစ်ပတ်၊ သုံးပတ် လောက် နေ့စဉ် လုပ်ပေးတယ် ဆိုရင် သိသာ လာတာ တွေ့ရမှာပါ။

ဒုတိယနည်း ကတော့ သခွားသီး သုံးတာပါ။ သခွားသီး ကလည်း အက်စစ်ပျော့ ပါတဲ့ သဘာဝ ကြေးချွတ်ဆေး ဖြစ်ပြီး ယားယံမှု လုံးဝ မရှိတာကြောင့် စိတ်ချ လက်ချသုံး နိုင်ပါတယ်။

ခပ်ပါးပါး လှီးထားတဲ့ သခွားသီး ကွင်းလေးတွေကို ချိုင်းနေရာမှာ ကပ်ပြီး နာရီဝက် လောက်ထားပါ။ သခွား ရည်တွေ ချိုင်းသားထဲ စိမ့်ဝင်သွားတဲ့ အထိ ကပ်ပေး ထားပြီး ခြောက်သွားရင် ရေဆေးပေးပါ။ ဒါမှမဟုတ် သခွားရည် ညှစ်ပြီး နနွင်းမှုန့်၊ သံပရာရည် အနည်းငယ် နဲ့ရော၊ အနှစ် လုပ်ပြီး ချိုင်းသားကို သုတ်လိမ်းပြီး နာရီဝက်လောက် ထားကာ ရေ ဆေးပါ။ ဒီလိုမျိုး နေ့စဉ် တစ်ပတ် လောက်လုပ်တဲ့ အခါ ချိုင်းသားဖြူ လာတာ တွေ့ရမှာပါ။

တတိယနည်း ကတော့ သံ ပရာ၊ သံပရိုသီး သုံးတာပါ။ ချေးချွတ် ရုံတင်သာမက သဘာဝပိုး သတ်ဆေးလည်း ဖြစ်တာကြောင့် မျက်နှာပဲ ဖြစ်ဖြစ်၊ ခန္ဓာကိုယ်ပဲ ဖြစ်ဖြစ် စိတ်ချလက်ချ သုံးနိုင်ပါ တယ်။

သံပရာ၊ သံပရိုသီးကို အ စိတ်သေး လေးတွေ စိတ်ပြီး ချိုင်း ကိုပွတ်ပြီး ၁၅ မိနစ်လောက် အခြောက်ခံ ထားပါ။ ပြီးရင် ရေသေချာဆေးပြီး အဝတ်သန့်နဲ့ ခြောက် အောင်သုတ်ကာ အလှဆီ လိမ်း ပါ။

နောက်တစ်ခုက သံပရာရည် ထဲကို သကြား နည်းနည်း ထည့်ပြီး ချိုင်းကို ပွတ်လိမ်းပြီး ငါးမိနစ် လောက် ထားပြီး ရေဆေး တာပဲ ဖြစ်ဖြစ်၊ သံပရာရည်ထဲကို နနွင်း မှုန့်၊ ပျားရည် ထည့်ထားတဲ့ အနှစ် နဲ့လည်း သုတ်လိမ်း ဆေးကြော တာမျိုး လုပ်နိုင် ပါတယ်။ ဘယ် နည်းပဲ ဖြစ်ဖြစ် တစ်ပတ်ကို လေးကြိမ်လောက် လုပ်ပေးတယ် ဆိုရင် အပြောင်းအလဲ တွေကို တွေ့ရမှာပါ။

—Ref: wellnessbin

Originally published at - http://www.7daydaily.com/story/58953


No comments:

Post a Comment