ကျန်းမာရေးနှင့် ပတ်သက်သော ဗဟုသုတ၊ လိင်မှုကိစ္စ၊ ရောဂါများအကြောင်း၊ လေ့လာတွေ့ရှိချက်များ၊အစားအသောက်နှင့် လူနေမှုဘဝများ

ဤဘလောဂ့်ဆိုဒ်သည် ဆိုင်မွန်စာကြည့်ဆိုဒ်၏ ပရိတ်သတ်များ တက်ရောက် ဖတ်ရှုခြင်း လွယ်ကူမြန်ဆန် စေရန် ရည်ရွယ်၍ ထပ်မံတိုးထားသော ဆိုဒ်ပွား တစ်ခုသာ ဖြစ်ပါသည်။

Friday, December 4, 2015

အပြေး လေ့ကျင့်ခြင်း ထက် ကယ်လိုရီနဲ့ အဆီ ပိုကျစေမယ့် လေ့ကျင့်ခန်းများ




ကိုယ်ခန္ဓာကို ကျစ်လစ် တောင့်တင်း စေရန် လေ့ကျင့်ခန်း ပြုလုပ်ခြင်း ဆိုတဲ့ Fitness လောက မှာ လူတိုင်း ယုံကြည် နေကြတာက အပြေး လေ့ကျင့်ခြင်းဟာ ကယ်လိုရီ ပေါင်း မြောက်များ စွာကို လောင်ကျွမ်း စေနိုင်တယ် ဆိုတာပါပဲ။

ဟုတ်ပါတယ် တစ်ကယ်လည်း ကယ်လိုရီ များစွာကို လောင်ကျွမ်း စေပါတယ်။ ဒါပေမယ့် အကောင်းဆုံး တော့ မဟုတ်ခဲ့ပါဘူး။ ကယ်လိုရီတွေ ၊ အဆီတွေ များစွာ လောင်ကျွမ်း လိုသူများ ၊ ကိုယ် အလေးချိန် လျှော့ချဖို့ ကြိုးစားနေ သူများ အနေနဲ့ အပြေး လေ့ကျင့်ခြင်း အပြင် အခြား လုပ်သင့်တဲ့ လေ့ကျင့်ခန်း လေးတွေ ရှိပါတယ်။

အဲဒါတွေ ကတော့ ...

၁။ ဒိုက်ထိုး ၊ ပြန်ထ ၊ လက်မြှောက်



ဒီလေ့ကျင့်ခန်း ကိုတော့ Burpees လို့ ခေါ်ပါတယ်။ အရင်ဆုံး လက် ၂ ဖက်နဲ့ ကြမ်းပြင်ကို ထောက်ပြီး ကုန်းကုန်းလေး ထိုင်ရ ပါတယ်။ ပြီးရင် ခြေထောက်ကို အနောက် ဆန့်ပြီး ဒိုက်ထိုး ရပါတယ်။ ပြီးရင် မူလ ပုံစံ အတိုင်း ကုန်းကုန်းလေး ပြန်ထိုင်ပြီး မတ်တပ် ပြန်ထာကာ လက်မြှောက်ပြီး ခုန်ရ ပါတယ်။ Burpee တစ်ခါ လေ့ကျင့်ခန်း လုပ်တိုင်း ၁.၄၃ ကယ်လိုရီ လောင်ကျွမ်း သွားစေပါတယ်။

၂။ သံလုံး ဆွဲရမ်းခြင်း



ဒီလေ့ကျင့်ခန်း မျိုးကို အိန္ဒိယ က Gym တွေမှာ လေ့ကျင့် ကြတာ များပါတယ်။ ဒီလေ့ကျင့်ခန်းဟာ ၀မ်းဗိုက် ကြွက်သား တွေ ၊ ပခုံး ကြွက်သား တွေနဲ့ ကျော ကြွက်သားတွေကို ကောင်းမွန် စေပြီး ထိုလေ့ကျင့်ခန်း လုပ်ခြင်းဖြင့် တစ်မိနစ် ကို ကယ်လိုရီ ၂၀ လောင်ကျွမ်း စေနိုင် ပါတယ်။

၃။ ကြိုးခုန်ခြင်း



ကြိုးခုန်တာ မိန်းကလေး တွေပဲ လုပ်သင့်တဲ့ လေ့ကျင့်ခန်း မဟုတ်ပါဘူး။ ယောကျာင်္း လေးတွေ နဲ့လည်း သင့်တော် ပါတယ်။ တစ်မိနစ်ကို အကြိမ် ၁၀၀ မှ ၁၂၀ ခန့် ကြိုးခုန်ခြင်းဖြင့် ၁ မိနစ်ကို ၁၂ ကယ်လိုရီ လောင်ကျွမ်း စေနိုင် ပါတယ်။

၎။ ကြိုးဆွဲ ၊ အလေးမ



ထိုင်လျက် အနေ အထားနဲ့ ကြိုးကို ဆွဲခြင်းဖြင့် အလေးမ ရတဲ့ လေ့ကျင့်ခန်း ဟာ မိနစ် ၃၀ အတွင်း ကယ်လိုရီ ၄၀၀ ခန့်ကို လောင်ကျွမ်း စေနိုင် ပါတယ်။ဒီလေ့ကျင့်ခန်း ဟာလည်း နောက်ကျော ၊ ရင်ဘတ် ၊ ပခုံး နဲ့ ၀မ်းဗိုက် နေရာတွေက ကြွက်သား တွေကို သန်မာ လာစေနိုင် ပါတယ်။

၅။ ကြိုးလှုပ်ခါခြင်း



ဒီလေ့ကျင့်ခန်း ကတော့ လက်မောင်း ကြွက်သားတွေ သန်မာ လာအောင် ဆော့ရတဲ့ လေ့ကျင့်ခန်း တစ်မျိုးပါ။ ဒီလေ့ကျင့်ခန်းဟာ လည်း တစ်မိနစ်ကို ကယ်လိုရီ ၁၀ ကနေ ၁၂ အထိ လောင်ကျွမ်း စေနိုင်ပါတယ်။

Ref : MensXP

Original link - http://health.thithtoolwin.com/2015/12/blog-post_79.html

ဒီပို့စ်လေးကို သဘောကျရင်
လုပ်ပေးခဲ့နော်။

No comments:

Post a Comment