ကျန်းမာရေးနှင့် ပတ်သက်သော ဗဟုသုတ၊ လိင်မှုကိစ္စ၊ ရောဂါများအကြောင်း၊ လေ့လာတွေ့ရှိချက်များ၊အစားအသောက်နှင့် လူနေမှုဘဝများ

ဤဘလောဂ့်ဆိုဒ်သည် ဆိုင်မွန်စာကြည့်ဆိုဒ်၏ ပရိတ်သတ်များ တက်ရောက် ဖတ်ရှုခြင်း လွယ်ကူမြန်ဆန် စေရန် ရည်ရွယ်၍ ထပ်မံတိုးထားသော ဆိုဒ်ပွား တစ်ခုသာ ဖြစ်ပါသည်။

Tuesday, November 24, 2015

တရားထိုင်ခြင်းက မော်ဖိန်းထက် ပိုပြီး နာကျင်မှုတွေ လျှော့ချ ရာမှာ ထိရောက်မှု ရှိ




တရားထိုင်ခြင်းဟာ နာကျင်မှုတွေ လျှော့ချအောင် ပြုလုပ်တဲ့ နေရာမှာ မော်ဖိန်းထက် ပိုပြီး ထိရောက်မှု ရှိနေတယ် ဆိုတာကို သုတေသီတွေက ရှာဖွေတွေ့ရှိ ခဲ့ကြပါတယ်။

လေ့လာမှု တစ်ခုက အခိုင်အမာ ဆိုခဲ့တာကတော့ တစ်နေ့ကို မိနစ် ၂၀ ခန့် တရားထိုင် လေ့ကျင့်ခြင်းဟာ မော်ဖိန်းလို အပြင်းစား ဆေးဝါးတွေ ထက် နာကျင်မှုတွေ လျှော့ချရာမှာ ပိုမို ထိရောက်မှု ရှိတယ် ဆိုတာပါပဲ။ သုတေသီတွေဟာ ကျန်းမာပြီး နာကျင်မှု မရှိတဲ့ လူ ၇၅ ယောက်ကို စည်းရုံးပြီး သူတို့ကို အဖွဲ့တွေ ခွဲစေကာ သူတို့ရဲ့ နာကျင်မှု အပေါ် တုံ့ပြန်မှုတွေကို စစ်ဆေး ခဲ့ကြပါတယ်။

လုပ်အားပေး အစမ်းသပ်ခံ ၇၅ ယောက်ဟာ အဖွဲ့ ၄ ဖွဲ့ ခွဲခဲ့ရပါတယ်။ တစ်ဖွဲ့ကတော့ စိတ်တည်ငြိမ်စွာ တရားထိုင်တဲ့ အဖွဲ့ဖြစ်ပြီး ၊ placebo ဆေးဝါး အကူအညီနဲ့ တရားထိုင်တဲ့အဖွဲ့ ၊ Placebo ဂျယ်လီခရင်မ် သုတ်လိမ်းတဲ့ အဖွဲ့နဲ့ ဘာမှ မပါပဲ အလွတ်တန်း ထိန်းချုပ် ရတဲ့ အဖွဲ့တွေပဲ ဖြစ်ပါတယ်။

သူတို့ အားလုံးရဲ့ အရေပြားတွေကို အပူချိန် ၁၂၀ ဒီဂရီ ဖာရင်ဟိုက် အထိ ပေးကာ ဦးနှောက်ရဲ့ တုံ့ပြန်မှုတွေကို စစ်ဆေး ကြည့်ခဲ့ ပါတယ်။

စစ်ဆေးမှု အရတော့ အသက်ရှုခြင်းနဲ့ အနားယူခြင်း နည်းလမ်းဖြစ်တဲ့ "အာနာပါန" တရားထိုင်ခြင်း ပြုလုပ်ခဲ့တဲ့ အဖွဲ့သာလျှင် နာကျင်မှုတွေကို တုံ့ပြန်တဲ့ ဦးနှောက်ရဲ့ အစိတ်အပိုင်းမှာ တည်ငြိမ်မှု ရှိနေတာကို တွေ့ရပါတယ်။

စိတ်တည်ငြိမ်စွာ တရားထိုင်တဲ့ အဖွဲ့ဟာ နာကျင်မှုကို ၂၇ ရာခိုင်နှုန်း လျှော့ချနိုင် ခဲ့ပြီး စိတ်ခံစားချက် ဆိုင်ရာ နာကျင်နေမှုမှာတော့ ၄၄ ရာခိုင်နှုန်း လျှော့ချနိုင် ခဲ့ပါတယ်။

Placebo ဆေးဝါး အသုံးပြုခဲ့တဲ့ အဖွဲ့ကတော့ နာကျင်မှု ကို ခံစား ရတာဟာ ၁၁ ရာခိုင်နှုန်း လျှော့ချနိုင် ခဲ့ပြီး စိတ်ခံစားချက် ဆိုင်ရာတော့ ၁၃ ရာခိုင်နှုန်းသာ လျှော့ချနိုင် ခဲ့တယ်လို့ Neuroscience ဂျာနယ်မှာ ဖော်ပြ ထားပါတယ်။

ဒီလေ့လာမှုကို ဦးဆောင်ခဲ့တဲ့ သုတေသီ ဒေါက်တာ Fadel Zeiden ကတော့ ဒါဟာ စိတ်တည်ငြိမ်စွာ တရားထိုင်ခြင်းဟာ Placebo ခရမ်သုံးခြင်းနဲ့ ခြားနားတဲ့ ဦးနှောက် လှုပ်ရှားမှု ပုံစံတွေကို ထုတ်လုပ်ပေးနိုင် တယ်ဆိုတာ ပြသလိုက်နိုင်တဲ့ ပထမဆုံး လေ့လာမှု ပဲ ဖြစ်တယ်လို့ ဆိုပါတယ်။

"ကျွန်တော်တို့ရဲ့ ရှာဖွေတွေ့ရှိ ချက်ကို အခြေခံပြီး နေ့စဉ် မိနစ် ၂၀ ခန့် စိတ်တည်ငြိမ်စွာ တရားထိုင်ခြင်းဟာ ဆေးရုံ ဆေးခန်းတွေမှာ နာကျင်မှုတွေကို ကုသတဲ့ နည်းလမ်း ဖြစ်လာနိုင်တယ် ဆိုတာကို ကျွန်တော်တို့ ယုံကြည် ထားပါတယ်" လို့ ဒေါက်တာ Fadel Zeiden က ဆိုပါတယ်။

Ref : Dailymail

Original link - http://health.thithtoolwin.com/2015/11/blog-post_94.html

ဒီပို့စ်လေးကို သဘောကျရင်
လုပ်ပေးခဲ့နော်။

No comments:

Post a Comment