ကျန်းမာရေးနှင့် ပတ်သက်သော ဗဟုသုတ၊ လိင်မှုကိစ္စ၊ ရောဂါများအကြောင်း၊ လေ့လာတွေ့ရှိချက်များ၊အစားအသောက်နှင့် လူနေမှုဘဝများ

ဤဘလောဂ့်ဆိုဒ်သည် ဆိုင်မွန်စာကြည့်ဆိုဒ်၏ ပရိတ်သတ်များ တက်ရောက် ဖတ်ရှုခြင်း လွယ်ကူမြန်ဆန် စေရန် ရည်ရွယ်၍ ထပ်မံတိုးထားသော ဆိုဒ်ပွား တစ်ခုသာ ဖြစ်ပါသည်။

Friday, October 16, 2015

လူသားတွေအနေနဲ့ တစ်နေ့ကို ၆ နာရီခန့် အိပ်ရုံနဲ့တင် ကျန်းမာရေး ကောင်းမွန်စေနိုင်




အကယ်၍ သင်ဟာ မနေ့ည ကတော့ ၆ နာရီပဲ မျက်လုံးပိတ် အိပ်စက် လိုက်ရတယ်။ ဒါပေမယ့်လည်း ဒါဟာ အိပ်ရေး ပျက်သွားတယ်လို့ မဆိုနိုင်ပါဘူး။

တစ်ချို့ က လူသား တွေဟာ တစ်ညကို ၈ နာရီခန့် အိပ်စက်မှ အိပ်ရေး ၀တယ်လို့ ဆိုကြပေ မယ့်လည်း တစ်ကယ် တမ်းတော့ ၆ နာရီကနေ ၇ နာရီ အထိ အိပ်စက်တာဟာ သဘာဝ ပမာဏ ပဲ ဖြစ်တယ် ဆိုတာကို သိပ္ပံပညာရှင် တွေကို ထုတ်ဖော် ပြောကြား လိုက်ပါတယ်။ ပိုဆိုးတာ ကတော့ ခေတ်သစ် လူနေမှု ဘ၀တွေဟာ ကျွန်ုပ်တို့ရဲ့ တန်ဖိုး ရှိလှတဲ့ အိပ်ချိန်တွေကို ခိုးယူနေ တာပါပဲ။

အိပ်ချိန်နည်းနည်းပဲ ရှိသူတွေကို အေးဆေးအနားယူသင့်ကြောင့် အကြံပေးရင်းနဲ့ အမေရိကန်ပြည်ထောင်စုက သုတေသီတွေက အခုလိုပြောပြခဲ့ပါတယ်။

"ငါတို့ဟာ အိပ်ဆေးတွေသောက်နေရတယ်ဆိုတာဟာ မဖြစ်သင့်တဲ့အရာပါ။ ဘာကြောင့်သောက်နေရလဲဆိုရင် ငါတို့ရဲ့ အိပ်ချိန်တွေဟာ လျှပ်စစ် ၊ တီဗွီ ၊ အင်တာနက် စတာတွေကို ကျယ်ပြန့်စွာ သုံးနေတဲ့အတွက် အိပ်ချိန်တွေ နည်းလာ ရတာပဲ ဖြစ်ပါတယ်။ ဒါကြောင့် ကျန်ရှိတဲ့ အချိန်တွေကို အိပ်ဆေးသောက်ပြီး အိပ်နေ ရတာပါလို့ ဆိုပါတယ်။

ဒီစကားတွေက လော့အိန်ဂျလိစ်မြို့မှာရှိတဲ့ ကယ်လီဖိုးနီးယား တက္ကသိုလ်က သိပ္ပံ ပညာရှင်တွေဟာ ရိုးရှင်းတဲ့ ကျေးလက်နေပြည်သူတွေကို အဖွဲ့ ၃ ဖွဲ့ခွဲပြီး သူတို့ရဲ့ အိပ်ပုံအိပ်နည်းတွေကို လေ့လာခဲ့ပြီးမှာ အခုလိုထုတ်ဖော်ပြောကြားလာတာဖြစ်ပါတယ်။

Namibia နိုင်ငံက The San ကျေးရွာ ၊ Tanzania နိုင်ငံ Hazda ကျေးရွာ နဲ့ Boilivia နိုင်ငံက Tsimane ကျေးရွာတို့ဟာ သူတို့ရဲ့ ရိုးရာလူနေမှု ပုံစံတွေကြောင့်လေ့လာဖို့ရွေးချယ်ခံခဲ့ရပါတယ်။

ထို ကျေးရွာတွေမှာနေထိုင်တဲ့ အရွယ်ရောင်ပြီးသူ ၉၄ ယောက်ကို သူတို့ရဲ့ အိပ်ချိန် လမ်းလျှောက်ချိန်တွေ မှတ်တမ်းတင်နိုင်မယ့် နာရီကဲ့သို့သော ကိရိယာတွေ အသုံးပြုကာ ရက်ပေါင်း ၁၀၀၀ ခန့် အချက်အလက်တွေ စောင့်ကြည့်ရယူခဲ့ကြပါတယ်။

ထို လေ့လာခံခဲ့ရတဲ့ လူရိုင်းအသွင် ရိုးရှင်းတဲ့ ကျေးလက်နေပြည်သူတွေဟာ တစ်ညကို ၇ နာရီခန့်သာ ပျမ်းမျှအိပ်ကြတာဖြစ်ပြီး များသောအားဖြင့်တော့ ၆ နာရီ နဲ့ ၂၅ မိနစ်သာ အိပ်စက်ကြပါတယ်။ အနောက်နိုင်ငံတွေရဲ့ လမ်းညွှန်ချက်လို တစ်ညကို ၈ နာရီ ပြည့်အောင် မအိပ်ကြ ပါဘူး။

ဒါပေမယ့်လည်း ထို ကျေးလက်နေပြည်သူတွေဟာ ကျန်းမာရေးကောင်းမွန်ကြတာကိုတွေ့ရပြီး သူတို့ဟာ လူနေမှု အဆင့်အတန်း မြင့်မားသူတွေထက် အ၀လွန်ခြင်း ဖြစ်နိုင်ချေနည်းပြီး ၊ သွေးအား ပိုမိုကောင်းမွန်သလို ပိုမို ကျန်းမာတဲ့ နှလုံးတွေလည်း ရှိကြတယ်လို့ သိရပြီး သူတို့ဟာလည်း ပိုမို ကြံ့ခိုင်သန်မာ ကြတာကိုလည်း တွေ့ရပါတယ်။

ဒါကြောင့် ဒီလေ့လာမှု က ဖော်ပြခဲ့တာကတော့ လူသားတွေအနေနဲ့ တစ်နေ့ကို ၆ နာရီခန့် အိပ်ရုံနဲ့ တင်လုံလောက်ပြီး ခေတ်သစ်လူနေမှု ဘ၀ ရဲ့ အသုံးအဆောင် ပစ္စည်းတွေကိုသာ သုံးစွဲမှု လျှော့ချသင့်တာဖြစ်တယ်လို့ သုတေသီတွေက အကြံပေးထားပါတယ်။ ဒီလေ့လာမှုကိုတော့ Current Biology ဆိုတဲ့ ဂျာနယ်ထဲမှာ ပုံနှိပ်ဖော်ပြခဲ့ပါတယ်။

Original link - http://health.thithtoolwin.com/2015/10/blog-post_40.html

ဒီပို့စ်လေးကို နှစ်သက်တယ်ဆိုရင်
လုပ်နိုင်ပါတယ်။

No comments:

Post a Comment