ကျန်းမာရေးနှင့် ပတ်သက်သော ဗဟုသုတ၊ လိင်မှုကိစ္စ၊ ရောဂါများအကြောင်း၊ လေ့လာတွေ့ရှိချက်များ၊အစားအသောက်နှင့် လူနေမှုဘဝများ

ဤဘလောဂ့်ဆိုဒ်သည် ဆိုင်မွန်စာကြည့်ဆိုဒ်၏ ပရိတ်သတ်များ တက်ရောက် ဖတ်ရှုခြင်း လွယ်ကူမြန်ဆန် စေရန် ရည်ရွယ်၍ ထပ်မံတိုးထားသော ဆိုဒ်ပွား တစ်ခုသာ ဖြစ်ပါသည်။

Tuesday, October 13, 2015

တင်ပါးကြီးတဲ့ အမျိုးသမီးတွေ ဆီးချိုရောဂါ ဖြစ်နိုင်ချေ နည်း




သစ်တော်သီးလို ခန္ဓာကိုယ်မျိုး ရှိတဲ့ အမျိုးသမီး တွေဟာ ဆီးချို သွေးချို ရောဂါ ဖြစ်ပွားဖို့ အခွင့်အလမ်း နည်းစေ တယ်လို့ သုတေသန အသစ် တစ်ခုက ဖော်ပြ လိုက်ပါတယ်။

သစ်တော်သီး ခန္ဓာကိုယ် ဆိုတာဟာ တင်ပါး ကြီးတဲ့ အမျိုးသမီး တွေကို ဆိုလိုတာပါ။ ဒီလေ့လာမှုက ဖော်ပြခဲ့ တာကတော့ အဆီ ပါဝင်မှု များတဲ့ တင်ပါးကြီး ကြီးတွေ ပိုင်ဆိုင် ထားတဲ့ အမျိုးသမီး တွေဟာ တင်ပါး သေးငယ်တဲ့ အမျိုးသမီး တွေထက် စာရင် ဆီးချို ၊ သွေးချို ရောဂါ ဖြစ်ပွားဖို့ အခွင့် အလမ်း နည်းစေတယ် ဆိုတာပါပဲ။

ဒါဟာ မွေးကတည်းက လက်ဆင့်ကမ်း ပါလာခဲ့တဲ့ မျိုးရိုး ဗီဇ ဆိုင်ရာ ကွဲပြားခြားနား မှုကို ကျေးဇူး တင်ရ မှာပါ။ ဖြစ်နိုင်ချေ ရှိတဲ့ မျိုးရိုး ဗီဇကတော့ KLF14 ဖြစ်ပြီး ထို မျိုးရိုး ဗီဇဟာ အဆီ သိုလှောင်တဲ့ ဆဲလ်တွေကို ကွဲပြားခြားနားစွာ လုပ်ဆောင် စေပြီး အမျိုးသမီးတွေရဲ့ တင်ပါး ပုံစံ အရွယ်အစားတွေကို ဖြစ်ပေါ်စေတာပဲ ဖြစ်ပါတယ်။

လေ့လာမှု က ပြသခဲ့တာကတော့ တင်ပါးကြီးတဲ့ အမျိုးသမီးတွေဟာ ထို မျိုးရိုးဗီဇ မှာ အဓိက အားဖြင့် ကွဲပြားခြားနားနေကြတယ်လို့ သိရပါတယ်။သုတေသီတွေ ထပ်မံ ရှာဖွေတွေ့ရှိခဲ့တာကတော့ KLF14 သက်ရောက်မှု တွေနဲ့ အဆီတစ်သျှူးတွေ ရဲ့ ရလဒ်ဟာ မိခင် ဆီက ရလာခဲ့တဲ့ မျိုးရိုးဗီဇ လက်ဆင့်ကမ်းမှု ဖြစ်တယ်ဆိုတာပါပဲ။

"ခန္ဓာကိုယ်တစ်ခုလုံးရဲ့ အဆင့်မှာဆိုရင် ထို မျိုးရိုးဗီဇ ကွဲပြားခြားနားမှုကြောင့်ဖြစ်တဲ့ အဆီသိုလှောင်ခြင်းတွေဟာ ကိုယ်အလေးချိန်ပေါ်မှာ ပြောင်းလဲသွားစေခြင်းမရှိပေမယ့် အမျိုးသမီးတွေရဲ့ တင်ပါး ပုံစံ အရွယ်အစားအပေါ်မှာတော့ သက်ရောက်မှု ရှိခဲ့ပါတယ်။" လို့ ထိုလေ့လာမှု ကို ဦးဆောင်ခဲ့တဲ့ ဒေါက်တာ Kerrin Small က ဆိုပါတယ်။

ဒီလေ့လာတွေ့ရှိမှုတွေကိုတော့ လူသားမျိုးရိုးဗီဇဆိုင်ရာ အမေရိကန် လူ့အဖွဲ့အစည်း ရဲ့ Baltimore မြို့မှာ ပြုလုပ်ခဲ့တဲ့ နှစ်ပတ်လည် အစည်းအဝေးပွဲမှာ ထုတ်ဖော်ပြောကြားခဲ့ပါတယ်။

Original link - http://health.thithtoolwin.com/2015/10/blog-post_86.html


No comments:

Post a Comment