ကျန်းမာရေးနှင့် ပတ်သက်သော ဗဟုသုတ၊ လိင်မှုကိစ္စ၊ ရောဂါများအကြောင်း၊ လေ့လာတွေ့ရှိချက်များ၊အစားအသောက်နှင့် လူနေမှုဘဝများ

ဤဘလောဂ့်ဆိုဒ်သည် ဆိုင်မွန်စာကြည့်ဆိုဒ်၏ ပရိတ်သတ်များ တက်ရောက် ဖတ်ရှုခြင်း လွယ်ကူမြန်ဆန် စေရန် ရည်ရွယ်၍ ထပ်မံတိုးထားသော ဆိုဒ်ပွား တစ်ခုသာ ဖြစ်ပါသည်။

Tuesday, February 7, 2017

နားမကြားတဲ့ ကြွက်တွေကို မျိုးရိုး ဗီဇပြောင်းလဲခြင်း ကုထုံးနဲ့ နားကြားအောင် ကုသနိုင်ခဲ့




မွေးရာပါ နားမကြားတဲ့ ကြွက်များကို ကုသနိုင် ခဲ့ခြင်းဟာ မွေးရာပါ ဗီဇချို့ယွင်း ချက်ကြောင့် နားမကြားတဲ့ လူနာတွေ ဘ၀ကို ပြောင်းလဲစေမဲ့ ကုထုံး တစ်ခုဖြစ်လာနိုင် ပါတယ်။

ဒီလို ဆန်းသစ်တဲ့ တီထွင်မှုကို အမေရိကန်သိပ္ပံပညာရှင်များ က ကြွက်တွေကို မှန်ကန်တဲ့ DNA (Deoxyribonucleic acid ) သယ်ဆောင်ထားတဲ့ Virus ကို ကူးစက်စေပြီး ကုသနိုင်ခဲ့တာ ဖြစ်ပါတယ်။

ဒီကြွက်တွေဟာ Usher syndrome လို့ အမည်ရတဲ့ မွေးရာပါ မျိုးရိူးဗီဇ ချို့ယွင်းမူကြောင့် နားကန်းနေတာ ဖြစ်ပါတယ်။ကုသမှု အပြီး ကြွက်တွေဟာ လေသံလောက် မျှသော စကားကို တုံ့ပြန် လာနိုင်တဲ့ အထိ တိုးတက် လာခဲ့ပါတယ်။

ဒီလေ့လာမှုကို ဦးဆောင်ခဲ့သူ ဘော်စတွန် ကလေးဆေးရုံမှ ဒေါက်တာ ဂွင်နယ်လေ ဂျီလော့ကတော့ ” အခု ဒီကြွက်တွေဟာ တိုးတိုးလေး ပြောတာ ကိုတောင် ကြားရ ပါတယ် လို့ ပြောခဲ့ပါတယ်။

စမ်းသပ်မှုပြုလုပ်ခဲ့တဲ့ ကြွက် ၂၅ ကောင် အနက် ၁၉ ကောင်ကတော့ ၈၀ ဒက်ဆီဘယ် လောက်ရှိတဲ့ အသံကို ကြားနိုင် ခဲ့ပါတယ်။ (၃ ပေ လောက် အကွာ ကနေ စကားပြော သံဟာ ၆၀ ဒက်ဆီဘယ် ကနေ ၇၀ ဒက်ဆီဘယ် ရှိပါတယ်)



ဒီလေ့လာမှုကို Nature Biotechnology ဂျာနယ်မှာ တင်ပြ ခဲ့တာ ဖြစ်ပြီး ဒီကုသမှုဟာ ခန္ဓာကိုယ် မျှခြေ ထိန်းသိမ်းနိုင်စွမ်း ချို့ယွင်းမှု ကိုလည်း ကောင်းမွန် စေတယ် လို့ ဖော်ပြ ခဲ့ပါတယ်။

စမ်းသပ်မှုမှာ ပါဝင်ခဲ့သူ ဒေါက်တာ ဂျက်ဖရေး ဟော့တ်ကလည်း ” ဒါဟာ ထူးခြားတဲ့ တွေ့ရှိမှု တစ်ခုပါပဲ။ ပထမဆုံး အကြိမ် အနေနဲ့ မှန်ကန်တဲ့ မျိုးရိုးဗီဇ နားထဲမှာရှိတဲ့ အာရုံခံ အင်္ဂါတွေကို ပို့ပေးခြင်းဖြင့် အကြားအာရုံနဲ့ ခန္ဓာကိုယ် မျှခြေ ထိန်းသိမ်းနိုင်စွမ်းကို ကောင်းမွန်စေတယ် ဆိုတာ ပြသနေ တာပါပဲ ” လို့ ပြောကြား ခဲ့ပါတယ်။



လူသားတွေကို ကုသနိုင်ဖို့ အတွက်တော့ နောက်ထပ် လေ့လာမှုတွေ ထပ်မံပြုလုပ် ရဦးမယ်လို့ သုတေသန ပြုသူများက ဆိုခဲ့ ပါတယ်။

သုတေသနမှာ ပါဝင်သူ နောက်တစ်ဦးဖြစ်တဲ့ ဟားဗတ်ဆေးတက္ကသိုလ်မှ ဒေါက်တာ ဗန်ဒန် ဘာဂီကတော့ မျိုးရိုးဗီဇ ပါဝင်တဲ့ Anc 80 ဗိုင်းရပ်စ်ကို ဖန်တီး ခဲ့သူကတော့ ” ဒီမျိုးရိုးဗီဇ ပြောင်းလဲပေးခြင်း ကုထုံးကို လူသားတွေ အတွက် အသင့်ဖြစ်ဖို့ ကတော့ အချိန်တော်တော် ယူရဦးမှာပါ။ ဒါပေမဲ့ ကျွန်တော်တို့ရဲ့ တွေ့ရှိမှုဟာ မျိုးရိုဗီဇ ကုထုံးမှာ အရေးကြီးတဲ့ တွေ့ရှိချက် တစ်ခု ဆိုတာကို ကျွန်တော် ယုံကြည် ပါတယ် ” လို့ ပြောဆို ခဲ့ပါတယ်။

Ref : The Sun

From : SHWEMOM by Lumos (Shwemom)

Originally published at - http://www.shwemom.com

No comments:

Post a Comment