ကျန်းမာရေးနှင့် ပတ်သက်သော ဗဟုသုတ၊ လိင်မှုကိစ္စ၊ ရောဂါများအကြောင်း၊ လေ့လာတွေ့ရှိချက်များ၊အစားအသောက်နှင့် လူနေမှုဘဝများ

ဤဘလောဂ့်ဆိုဒ်သည် ဆိုင်မွန်စာကြည့်ဆိုဒ်၏ ပရိတ်သတ်များ တက်ရောက် ဖတ်ရှုခြင်း လွယ်ကူမြန်ဆန် စေရန် ရည်ရွယ်၍ ထပ်မံတိုးထားသော ဆိုဒ်ပွား တစ်ခုသာ ဖြစ်ပါသည်။

Wednesday, January 11, 2017

ဘင်္ဂလားဒေ့ရှ် ‘သစ်ပင်လူသား’ အရေပြားရောဂါ ခွဲစိတ်ကုသမှု အောင်မြင်




ဘင်္ဂလားဒေ့ရှ် သစ်ပင်လူသား အဘူ ဘာဂျန်ဒရာဟာ သူ့ရဲ့ လက်နှင့် ခြေထောက် များမှ သစ်ကိုင်း များလို ထိုးထွက် aနတဲ့ အဖုအထစ် များကို ဖယ်ရှား ပစ်ဖို့ ဆက်တိုက် ခွဲစိတ် ပြုလုပ်မှု မကြာသေးမှီက ပြီးဆုံး ခဲ့တယ်လို့ သိရပါတယ်။

ဘာဂျန်ဒရာဟာ နောက်ဆုံး ၄ နှစ်အတွင်းမှာ epidermodysplasia verruciformis (EV) လို့ခေါ်တဲ့ ရှားပါး အရေပြားရောဂါ ခံစားခဲ့ရတာကြောင့် သူ့သမီး ငယ်လေးကို ချီတာက အစ နေစဉ် အလုပ် တာဝန်တွေကို မလုပ်ဆောင်နိုင် တော့ပါဘူးလို့ အီးပီအေ သတင်းထောက်ကို အင်္ဂါနေ့က ပြောပါတယ်။

ဒီအခြေအနေကြောင့် သူ့ကို သုံးဘီးအနှေးယာဉ်မောင်း အလုပ်ကနေ ထွက်ခွာစေ ခဲ့ပါတယ်။

အသက် (၂၇) နှစ်အရွယ် ဘာဂျန်ဒရာမှာ အသားမာကြွက်နို့ဆန်ဆန် တစ်ရှူး ပျက်စီးမှုကို ဖြစ်ပေါ်စေတဲ့ ရှားပါး ရောဂါတစ်မျိုးကို နှစ်ပေါင်း ၂၀နီးပါး ကြာမြင့်အောင် ခံစားလာနေ ခဲ့ရပါတယ်။ ထိုရောဂါကို သစ်ပင် လူသားရောဂါ လို့လည်း ခေါ်ပါတယ်။

‘ဒါက ဘင်္ဂလားဒေ့ရ်ှမှာရော ကမ္ဘာမှာပါ အရှားပါးဆုံး ရောဂါ တစ်ခု ဖြစ်နိုင်ပါတယ်’လို့ ဘင်္ဂလားဒေ့ရှ် နိုင်ငံပိုင် ဒါကာဆေးရုံမှ ခွဲစိတ်ဆရာဝန်ချုပ် လယ်ဆင်းက ပြောကြားခဲ့ပါတယ်။

သူဟာ ဒါကာဆေးဘက်ဆိုင်ရာ ကောလိပ်ဆေးရုံမှာ လက်နှင့် ခြေထောက်များမှ အဖုအထစ်များကို ဖယ်ရှားဖို့ တနှစ်နီးပါး ခွဲစိတ်ကုသမှုများစွာ အကြိမ်ကြိမ်ခံယူခဲ့ပြီး ဆေးကုသမှု ကုန်ကျစရိတ်အားလုံးကို ဘင်္ဂလားဒေ့ရှိအစိုးရက ပေးဆောင်ခဲ့ပါတယ်။

"ခွဲစိတ်ကုသမှု ၁၆ ကြိမ် ပြီးဆုံးခဲ့ပြီဖြစ်လို့ ကျနော် ပျော်ရွှင်ပါတယ်။ ပြီးတော့ ပိုပြီး ကောင်းလာတယ်လို့ ခံစားရပါတယ်"လို့ ဘာဂျန်ဒရာက ဆေးရုံကုတင်ပေါ်ကနေ ပြောပါတယ်။



ဆေးရုံမှာ ကုသမှုခံရစဉ် တလျှောက် သူ့နားမှာတော့ ၃ နှစ်အရွယ် သမီး တာဟီရာနှင့် ဇနီး ဟာလီမာတို့က အတူ ရှိနေပေးခဲ့သလို သူ့မိခင်မှာလည်း အချိန်တော်တော်များ ဆေးရုံမှာ ကုန်ဆုံးခဲ့ပါတယ်။

လွန်ခဲ့တဲ့ ၁၅ ရက်ကြာက ခွဲစိတ်ထားမှုကြောင့် သူ့ရဲ့ ညာဖက်လက်မှာ ပတ်တီးစီးထားပြီး ၎င်းကို ဇန်နဝါရီလကုန်လောက်မှာ ဖယ်ရှားနိုင်မှာဖြစ်ပါတယ်။

သူဟာ အပြည့်အဝ ပြန်ကောင်းဖို့ ရှေ့မှာ နောက်ထပ်ခွဲစိတ်မှု ပိုမိုပြုလုပ်ဖို့ လိုအပ်သေးတယ်လို့ ဆရာဝန်တွေက ပြောပါတယ်။

အခုမှာတော့ သူဟာ သူ့သမီးအတွက် ပုံမှန်ဖခင်တစ်ဦးလို နေနိုင်လာပြီး ပုံမှန်ဘဝတစ်ခုမှာ နေထိုင်အသက်ရှိပြီး အနာဂတ်မှာ အလုပ်ပြန်ဝင်ဖို့ မျှော်လင့်နေရပြီဖြစ်လို့ သူနဲ့ သူ့မိသားစုဟာ ပျော်ရွှင်ပါတယ်လို့ ဘာဂျန်ဒရာက ပြောပါတယ

(ဓာတ်ပုံ - အီးပီအေ)

Ref; EFE_EPA, CNN

From : မဇ္ဈိမ မီဒီယာ

Originally published at - http://mizzimaburmese.com/article/22183

No comments:

Post a Comment