နံနံပင် ကတော့ မုန့်ဟင်းခါး ညှပ်ခေါက်ဆွဲ တို့နဲ့ ဆိုရင်တော့ အလွန် လိုက်ဖက်တဲ့ အပင်လည်း ဖြစ်ပါတယ်။ အခြားသော ဟင်းလျာများ ချက်ပြုတ် ရာမှာလည်း နံနံပင်ကို အုပ်ပြီးတော့ ချက်စားနိုင် သလို အတို့အမြှုပ် အဖြစ်လည်း စားသုံး နိုင်ပါတယ်။
နံနံပင်ရဲ့ မူရင်းဒေသ ကတော့ မြေထဲပင်လင် အနီးတဝိုက်မှာ ရှိတဲ့ နိုင်ငံတွေကပဲ ဖြစ်ပါတယ်။ နံနံပင် ကတော့ မြေနက်မှာရော မြေနီနုံးမှာရော ကောင်းစွာ ဖြစ်ထွန်းပါတယ်။
စနပ်ဖွတ်ချေးမြေမှာ မြေသြဇာ ချစရာမလိုပဲ နှုန်းမြေနီနဲ့ နှုန်းမြေနက်တို့မှာတော့ မြေသြဇာ ချပေးဖို့ လိုပါတယ်။ နံနံပင်ကို ဆောင်းရာသီမှာ စိုက်ပျိုးမယ် ဆိုရင်တော့ ပိုမိုအောင်မြင် ပါတယ်။ နံနံပင် စိုက်ပျိုးရန် အတွက် ကတော့ ၁ ဧကကို မျိုးစေ့ ၄ ပိဿာခွဲခန့် လိုအပ်ပါတယ်။
စိုက်တန်း တစ်တန်းနဲ့ တစ်တန်း ကိုတော့ ၉ လက်မခန့် ခြားပေး ရမှာပါ။ ကြွက်မြီးတန်း မျိုးစေ့ချ စနစ်နဲ့ စိုက်ပျိုးနိုင် ပါတယ်။ မျိုးစေ့ ချပြီးရင်တော့ မြေပါးပါးလေး ချပေး ရပါတယ်။ ပေါင်းမြတ်များကိုလည်း ရှင်းလင်းပေး ထားရမှာပါ။ ပေါင်းမြတ် များကို ရှင်းလင်းပေးခြင်း မြေဆွပေးခြင်းတို့ကိုလည်း ပြုလုပ်ပေးရမှာပါ။
နံနံပင်ကို စိုက်ပျိုးပြီး ၃၆ ရက်အကြာမှ ရက်ပေါင်း ၆၀ အတွင်းမှာ နှုတ်ယူ စားသုံးနိုင်မှာလည်း ဖြစ်ပါတယ်။
နံနံပင်မှာ အဓိကကျရောက်တတ်တဲ့ ပိုးမွှားတွေကတော့ ပြပိုးပဲဖြစ်ပါတယ်။
နံနံပင်ကိုတော့ အတို့အမြှုပ် စားသောက် ရုံတင်သာ မက ဆေးဘက်ဝင် အပင်အဖြစ်လည်း အသုံးပြုနိုင် ပါတယ်။ နံနံစေ့ တစ်မတ်သား သကြား တစ်မတ်သားတို့ကို ရောစပ်ပြီး စားသုံးပေး ပါက အဆစ်အမြစ် ကိုက်ခဲခြင်းများ သက်သာ ပျောက်ကင်းစေမှာလည်း ဖြစ်ပါတယ်။ ကလေးငယ်များ ချောင်းဆိုးနေရင်တော့ နံနံစေ့ကို ဆန်ဆေးရေနဲ့ စိမ်ပြီးတော့ သကြားအနည်းငယ် ထည့်ပြီး ကလေးငယ်များကို ကျွေးပေးမယ် ဆိုရင်တော့ ချောင်းဆိုးရောဂါ ပျောက်ကင်းစေမှာလည်း ဖြစ်ပါတယ်။
From : မဇ္ဈိမ မီဒီယာ
Originally published at - http://mizzimaburmese.com/article/21663
No comments:
Post a Comment