အယူအဆလွဲသော လိင်ဆက်ဆံရေး အမှားများ

လိင်ကိစ္စနဲ့ ပတ်သက်ရင် အမျိုးသား အများစု က သူတို့ရဲ့ အမျိုးသမီးကို သူတို့လိုပဲ သာယာ မှုရရှိစေချင် တတ်ကြ ပါတယ်။ ဒါပေမယ့် လူဆိုတာ အမှားနဲ့ မကင်းဘူး ဆိုသလိုပဲ အတွေ့ အကြုံ ရင့်ကျက်တဲ့ အမျိုးသားတွေ တောင်မှ အိပ်ရာထဲမှာ အမှား တခု သို့ မဟုတ် ၂ ခုလောက်တော့ လုပ်မိတတ် ကြပါတယ်။

ဒါကြောင့် လိင်မှုဆိုင်ရာ လေ့လာတဲ့ ပညာရှင်တွေ သုတေသီ တွေက အမျိုးသား အများစုဟာ လိင်ကိစ္စမှာ သူတို့ကိုယ်သူတို့ ထင်ထား သလောက် ကျွမ်းကျင်မှု မပြည့်ဝ ကြဘူးလို့ ယူဆ ခဲ့ကြတာ ဖြစ်ပါတယ်။

တကယ်တော့ အမျိုးသားတွေ အနေနဲ့ မိမိရဲ့ အထင်အတွေး တွေကို နည်းနည်းလောက် ပြောင်းလဲ လိုက်မယ် ဆိုရင် တောင်မှာ လိင်မှုဘဝ တိုးတက် ကောင်းမွန် လာတာကို တွေရမှာ ဖြစ်ပါတယ်။

ဘာတွေကို ပြင်ဆင်ရမလဲဆိုတာကိုလေ့ လာပြီး ရှောင်ကျဉ်စရာ ရှိရင် ရှောင်ကျဉ် နိုင်ဖို့ အမျိုးသားတွေ မှားလေ့မှားထရှိတဲ့ အချက် တွေကို ဖော်ပြ လိုက်ပါတယ်။

(၁) လိင်ကိစ္စကို အိပ်ရာထဲရောက်မှ စတင်ခြင်း

“အမျိုးသားတွေ အတွက် လိင်စိတ်ဆန္ဒ နိုးကြားလာဖို့က မီးခလုတ်ကုို ဖွင့်လိုက် သလိုပါပဲ။ အမျိုးသမီးတွေ အတွက် ကတော့ အချိန် လိုပါတယ်” လို့ လိင်မှုဆိုင်ရာ ကုထုံး ပညာရှင်နဲ့ အတိုင်ပင်ခံ ပုဂ္ဂိုလ် ဒေါက်တာ Ian Kerner ကပြောပါတယ်။

အိပ်ရာထဲရောက်မှ မဟုတ် ဘဲ တနေ့တာလုံးမှာ အလျဉ်းသင့်သလို ဖက်ထားပေးတာ၊ နမ်းတာ၊ လက်ကို ဆုပ်ကိုင် ထားတာ စတဲ့ ကြင်နာ ယုယမှုတွေကို ပြသပြီး လမ်းခင်း ထားသင့် ပါတယ်။ ကြည်နူး စရာ ဒီလို အချိန်တွေ ရှိနေတာက ကိုယ့်ရဲ့ အမျိုးသမီး အပေါ်နှစ်သက် သဘောကျမှု ရှိကြောင်း ပြသနေမှာ ဖြစ်တာပါ။

ဆက်ဆံရေး တခုမှာ လုံခြုံနွေးထွေးတဲ့ ခံစားမှု ရှိတာက အမျိုးသမီ တယောက်အနေနဲ့ လိင်ကိစ္စမှာ ပျော်ဝင် လာဖို့ အရေး ကြီးတဲ့ သော့ချက်ဖြစ်တယ်လို့ သူပြောပါတယ်။

အချိန်ကြာကြာလေး ဖက်ထားပေးတာက ထင်ထား တာထက်ပိုပြီး ခရီး ရောက်ပါတယ်။ “စက္ကန့် ၃၀ လောက် ဖက်ထားပေး လိုက်ခြင်းက အမျိုးသမီးတွေမှာ ဆက်သွယ် မှုနဲ့ ယုံကြည်မှုကို ဖန် တီး ပေးတဲ့ oxytocin ဟိုမုန်းကို လှုံ့ဆော် ပေးပါတယ်။” လို့ ဒေါက်တာ Ian Kerner ကဆိုပါတယ်။

(၂) အမျိုးသမီးတွေရဲ့ လိုအပ်ချက်ကို သိတယ်လို့ ကိုယ့်ကိုယ်ကို ထင်နေခြင်း

“ဒီနေ့ ခေတ်မှာ အမျိုးသမီး အများ အပြားက လွန်ခဲ့တဲ့ နှစ်၂၀ သို့မဟုတ် ၃၀ လောက်က လိုပဲ အထွတ် အထိပ် ခံစားမှုကို ရ သလို ဟန်ဆောင်နေ ကြတုန်းပါပဲ။” လို့ ဒေါက်တာ Ian Kerner ကပြောပါတယ်။ တကယ်လို့ သူတို့ ကျေနပ်နှစ်သိမ့်မှု မရဘူး ဆိုရင် အမျိုသားတွေ အနေနဲ့ သိထား သင့်ပါတယ်။

ဒါကြောင့် “ဘယ်လိုခံစားရသလဲ” ၊ “ဘာလိုချင်သလဲ” ဆိုတဲ့ မေးခွန်းတွေကို မေးရမှာ မကြောက်ဖို့ သူက တိုက်တွန်း ပါတယ်။ တနည်းအားဖြင့် ပြောရရင် ဒီလို မေးမှ ကိုယ်ဘာလုပ် ရမယ်ဆိုတာကို သိနိုင်မှာ ဖြစ်ပါတယ်။

(၃) ကိုယ့် စိတ်ကူး ကိုယ့် အစီအစဉ်ကိုပဲ တရားသေ ဆုပ်ကိုင်ထားခြင်း

“ပထမ တကြိမ် ၂ကြိမ်မှာ အဆင်ပြေ ထားတာနဲ့ နောက်ပိုင်းမှာလည်း အဆင်ပြေ လိမ့်မယ်လို့ မထင်ပါနဲ့” လို့ နောက်ထပ် လိင်မှုဆိုင်ရာ ကုထုံးပညာရှင် တဦးဖြစ်တဲ့ Sari Cooper ကပြောပါတယ်။

ဘယ်အရာက အမျိုးသမီးတယောက်ရဲ့ စိတ် ဆန္ဒကို နှိုးဆွပေးနိုင်မလဲ ဆိုတာက သူ့ရဲ့ စိတ်ခံစားမှု ပေါ်မှာ မူတည်ပါတယ်။ ရာသီ စက်ဝန်းနဲ့ လည်းဆိုင်ပါတယ်။ “အမျိုး သမီးရဲ့ နို့သီးခေါင်းတွေက လိင်အင်္ဂါထက် ပိုပြီး ခံစားလွယ်နေ တာမျိုးလဲ ရှိနိုင် ပါတယ်။” လို့ သူက ထပ်ပြောပါတယ်။

ဒါကြောင့် ကိုယ့်ရဲ့ အမျိုးသမီးကို ဂရုစိုက်ပြီးလေ့လာပါ လို့ စိတ်ပညာရှင် တဦး ဖြစ်တဲ့ ဒေါက်တာ Lonnie Barbach က ပြောပါတယ်။

“အမျိုးမျိုး ကြိုးစားပြီးတော့ သူ့ရဲ့ တုံ့ပြန်မှုတွေကို ကြည့်ပါ။” လို့လည်း သူက ဆိုပါတယ်။ အမျိုးသမီးတွေ သာယာကျေနပ်မှုကို စပြီးရလာတဲ့ အချိန် (စိတ်ဆန္ဒ စတင်နိုး ကြား လာတဲ့ အချိန်)ရောက်မှ အမျိုးသားတွေက နောက် တမျိုးပြောင်း သွားလို့ ကျေနပ်မှုတွေ ပျောက်ဆုံး သွားရတာမျိူး ဖြစ်တတ်တယ်လို့ လည်း သိရပါတယ်။

(၄) ရုပ်ပိုင်းဆိုင်ရာ ပေါ်မှာပဲ အာရုံစိုက်ခြင်း

အမျိုးသားတွေ အနေနဲ့ ကြိုတင်နှိုးဆွမှုနဲ့ ပတ်သက်တဲ့ ကိုယ့်ရဲ့ စိတ်ကူး စိတ်သန်းတွေကို တိုးချဲ့ သင့်ပါတယ်။ “အမျိုးသား တချို့က ရုပ်ပိုင်းဆိုင်ရာ နှိုးဆွမှု အပေါ်မှာပဲ အာရုံစိုက်ပြီး စိတ်ပိုင်း ဆိုင်ရာ လှုံ့ဆော်နှိုးဆွမှုတွေ ကို လစ်လျူရှု ထားတတ် ကြပါတယ်။” လို့ ဒေါက်တာ Ian Kerner ကဆိုပါတယ်။ တချိန်က ၂ ယောက်အတူ ကြုံတွေ့ ခဲ့တဲ့ ရင်ခုန်စရာ လိင်မှုကိစ္စ အကြောင်းတွေကို ပြန်ပြောင်းပြောပေးခြင်းကလည်း အထောက်အကူ ဖြစ်စေပါတယ်။

(၅)လိင်ဆက်ဆံမှသာလျှင် အမျိုးသမီးက အထွတ်အထိပ် ခံစားမှုကို ရမယ်လို့ ယူဆထားခြင်း

အမျိုးသမီး ၈၀ ရာခိုင်နှုန်းလောက်က လိင်ဆက်ဆံမှု တခုထဲကနေ အထွတ်အထိပ်ခံစားမှုကို မရနိုင်ပါဘူး။ ဘာကြောင့်လဲ ဆိုတော့ လိင်ဆက်ဆံတဲ့ ပုံစံ အများစုက အမျိုးသမီးတွေရဲ့ အစေ့(clitoris) ကို တိုက်ရိုက် လှုံ့ဆော်ပေးနိုင်ခြင်း မရှိလို့ ဖြစ်ပါတယ်။

“အမျိုးသမီးတွေ အနေနဲ့ လိင်ဆက်ဆံတာနဲ့ စာရင် oral sex လို့ခေါ်တဲ့ ပါးစပ်နဲ့ နှိုးဆွပေးတဲ့ နည်းက အထွတ် အထိပ်ကို ရဖို့ ပိုနီးစပ်ပါတယ်။” လို့ ဒေါက်တာ Ian Kerner ကပြောပါတယ်။ အမျိုးသမီးက အပေါ်ကနေ ဆက်ဆံပေးတဲ့ နည်းကို ကြိုးစားကြည့်ဖို့ လည်း သူက အကြံပြုပါတယ်။

(၆) အစေ့(clitoris) ကို အဓိက ထားလွန်းခြင်း

အမျိုးသမီးအများစုအတွက် အထွတ်အထိပ် ခံစားမှုကို ရဖို့ အစေ့(clitoris) ကို လှုံ့ဆော်ပေး ရမယ် ဆိုတာ မှန်ပါတယ်။ ဒါပေမယ့်လည်း အဲဒါက ထင်ထား တာထက်ပို ရှုပ်ထွေး ပါတယ်။

“အမျိုးသား အချို့က အစေ့(clitoris) ရဲ့ တည်ဆောက်ပုံကို နားမလည်ကြဘူး။” လို့ Sari Cooper ကပြောပါတယ်။ ဒါပေမယ့် အဲဒါက မျက်စိနဲ့ မြင်နိုင်တဲ့ အဖုသေးသေးလေး ဆိုတာထက် ပိုပါတယ်။

clitoris ကနေသွားတဲ့ အာရုံကြော တွေက အမျိုးသမီး အင်္ဂါနဲ့ မွေးလမ်းကြောင်း(လိင်ဆက်ဆံတဲ့ လမ်းကြောင်း) အတွင်းမှာ ပျံ့နှံ့ သွားပါတယ်။ ဒီနေရာ တွေကလည်း ခံစားမှုပေးနိုင်တဲ့ နေရာတွေ ဖြစ်ပါတယ်။

မွေးလမ်းကြောင်း အဝရဲ့ အပေါ်နားလေးမှာ ရှိတဲ့ အစေ့(clitoris)ကို ဦးစားပေး လွန်းရင်လည်း အမျိုးသမီးတွေရဲ့ သာ ယာမှုကို ပျောက်ဆုံး သွားစေနိုင်ပါတယ်။

ဘာကြောင့်လဲ ဆိုတော့ သူက အရမ်းကို အာရုံ ခံစားမှု ကောင်းတဲ့ အတွက် အလွန် အကျွံ လှုံဆော်မှု သွားပေး လိုက်ရင် နာကျင်တဲ့ ဘက်ကို ရောက်သွားနိုင်လို့
ဖြစ်ပါတယ်။

Source: webmd.com

From : ဧရာဝတီ by : အေးမင်း

Originally published at - http://burma.irrawaddy.com/lifestyle/2016/09/03/122166.html